په داسې حال کې چې روسیې پر اوکراین د توغندیو او ایراني ډرونونو په وسیله د حملو نوې څپه پیل کړې، د اوکراین په جنوبي سیمو کې نن سهار د هوايي حملو آلارم وغږول شو.
د دنیپرو پیتروفسک سیمې والي سیرهي لیساک پر خپله ټلیګرام پاڼه لیکلي، چې د اوکراین د هوايي مدافعې ځواک پر کریوي ریه ښار ویشتل شوي ۶ ډرونونه راغورځولي دي.
لیساک ویلي چې دې حملو یوه فابریکه ویجاړه کړې ده.
د اوکراین د هوايي مدافعې ځواک ویلي چې د ټولو اوولسو ایراني ډرونونو له ډلې شپاړس یې ویشتل شوي دي.