د المپيک نړۍوالې کمېټې د اجرائیوي بورډ په غونډه کې چې د ډسمبر په ۶مه په سویس کې وشوه، په افغانستان کې یې د المپیکي لوبو له اړوندو ادارو سره د مالي ملاتړ د دوام ډاډ ورکړ، خو په ورته وخت کې یې له ورزش څخه د ښځو منع کول غندلي.
د المپیک نړیوالې کمېټې ویلي، د پاریس د ۲۰۲۴ کال په المپیکي لوبو کې افغانستان یوازې په هغه صورت کې ګډون کولای شي چې په دې هېواد کې نجونو او ښځو ته د ورزش کولو اجازه ورکړل شي.
دې ادارې ویلي، په دې کار کوي چې د نړۍوالې المپیک کمېټې اندېښنو او غوښتنو ته مناسبه حل لاره پیدا کړي.
د المپیک نړیوالې کمېټې له طالبانو غوښتي چې د پاریس په المپیکي لوبو کې د افغانستان د ټیمونو په ترکیب کې دې نجونو ته هم ونډه ورکړي.
د طالبانو په واک کې د المپیک ملي کمېټې او سپورټ عمومي ریاست بیا په یوه اعلامیه کې د المپيک نړۍوالې کمېټې د دې اقدام ستاینه کړې چې له دوی څخه به مالي ملاتړ ته دوام ورکوي.
دې ادارې ویلي، په دې کار کوي چې د نړۍوالې المپیک کمېټې اندېښنو او غوښتنو ته مناسبه حل لاره پیدا کړي.
په دې اعلامیه کې د المپیک نړۍوالۍ کمېټې د هغې غوښتنې په اړه چې ښځو ته دې په افغانستان کې د ورزش کولو اجازه ورکړل شي، ښکاره هيڅ نهدي ویل شوي.
د ۲۰۲۱ کال د نومبر په ۲۱مه نېټه دوحه کې د المپيک د نړيوالې کمېټې چارواکو او د افغان باسکيټبال ملي ټيم چې نجونې هم پهکې شاملې وې ليدنه.
په نړۍوالو المپیکي لوبو کې د افغانستان د ګډون په اړه بحثونه داسې مهال راپورته کېږي چې طالبانو په افغانستان د ښځو په ورزش بندیز لګولی او څه موده مخکې یې هغه ورزشي کلپونه هم وتړل چې یوازې د مېرمنو لپاره وو.
تر دې مخکې د بشر حقونو د څار نړۍوال سازمان د ډسمبر په ۵مه د المپيک له نړۍوالې کمېټې غوښتي و چې په نړۍوالو لوبو کې د افغانستان پر ګډون بندیز ولګوي.
دې سازمان ویلي و، دا بندیز باید تر هغو دوام وکړي چې په دې هېواد کې ښځو او نجونو ته د ورزش اجازه نهوي ورکړل شوي.
په دې اړه نور: د المپيک کمېټه: که طالبان نجونو ته د ورزش اجازه ورنهکړي د دې کمېټې لوبو کې ګډون نهشي کولید دې سازمان د یوه مسول په وینا، د طالبانو له واکمنېدو سره زرګونه ښځې په افغانستان کې له ورزش، زدهکړو او نورو فرصتونو څخه چې دوی باید پهکې ونډه ولري، منع شوې دي.
د بشري حقونو د څار سازمان له ورزش څخه د ښځو منع کول د بشري حقونو او د اولمپیک له منشور څخه سرغړونه او له ښځو سره ښکاره تعبیض بللی و.
د المپیک نړۍوالې کمېټې داسې مهال د طالبانو د حاکمېت په سیوري کې د ښځو د ورزش په اړه غوښتنه او شرایط وړاندې کوي چې طالبانو د نورو محدودیتونو ترڅنګ په ډېرو دولتي ادارو کې ښځې له کاره منع کړي او تر شپږم ټولګي پورته د نجونو ښوونځي یې هم تړلي دي.