د ایران په لوېدیځ کې کې د شیعه مسلمانو پر یو زیارت برید کې لږ تر لږه ۱۵ کسان وژل شوي دي.
دا خبره د ایران دولتي رسنیو کړې او د داعش وسلهوالې ډلې یې مسؤلیت پر غاړه اخیستی دی.
برید د شیراز په ښار کې د شاه چراغ په مقبره کې د ماښام د لمانځه پر مهال شوی دی.
د ایران دولتي ټلوېزون وايي برید ګر یو وسلهوال و چې ۱۹ کسان یې نور ټپیان کړي هم دي.
ایراني چارواکو ویلي، بریدګر یې نیولی دی.
تر دې مخکې راپورونو کې ویل شوي وو چې برید د درې وسلهوالو لهخوا شوی، چې ۱۳ کسان پهکې وژل شوي او څلوېښت نور ټپیان شوې دي.
هغه زيارت چې بريد پهکې شوی دی.
دایران د قضايي قوي ځايي مشر کاظم موسوي د ایران دولتي تلویزون ته ویلي چې په بریدګر " یوازې یو ترهګر " و.
د سیمې یو بل دولتي چارواکي هادي ایمانیه د ایران دولتي ټلوېزون ته ویلي، بریدګر په دې زیارت کې پر راټولو شویو " عبادت کونکو بې توپیره ډزې کړي دي "
د ایران ولسمشر ابراهیم رئیسي ددې برید په وړاندې د "سخت غبرګون " ژمنه کړې.
د ایران د بهرنیو چارو وزیر حسین امیر عبداللهیان ویلي ، تهران به د " ترهګرو او بهرنیو لاسوهونکو په وړاندې " اقدامات وکړي.
حسين امير عبداللهيان
د ایران د بهرنیو چارو وزیر په هغه بیان کې چې دولتي رسنیو خپور کړی زیاته شوې چې "دې جنایت په ایران کې د ویرې او تاوتریخوالي د خپرونکو شیطاني اراده په بشپړه توګه روښانه کړه."
عبدالهیان همدارنګه د داسې باوري معلوماتو د لرلو ادعا کړې چې دده په وینا "دښمنانو د ایران د نا امنه کولو لپاره یو څو اړخیزه طرحه جوړه کړې ده."
ددې برید مسؤلیت د داعش وسلهوالې ډلې منلی دی.
تر دي مخکې د داعش وسلوالې ډلې په ایران کې د یو لړ نورو بریدونو مسولیت منلی وو چې په کې په ۲۰۱۷ م کال کې د ایران د اسلامي انقلاب د رهبر ایت الله روح الله خمیني په مقبر کې دوه وژونکي بریدونه هم شامل دي.
په ایران کې دا برید داسې مهال کیږي چې د پنجشنبې په ورځ د ایران امنیتي ځواکونو له هغو اعتراض کونکو سره نښتې وکړې چې د پولیسو په توقیف کې د وژل شوې نجلۍ مهسا امیني د مړینې د څلوېښتۍ په مناسبت لارو کوڅو ته راوتلي وو.
په دې اړه نور: د مهسا امیني د وژنې ۴۰ ورځې پوره کېدل؛ یو شمېر خلک یې قبر ته ورغليامیني د سپټمبر په ۱۶مه نېټه په تهران کې د پولیسو په توقیف کې مړه شوې وه.
هغه تر مرګ څو ورځې مخکې د هغه څه له کبله چې ایراني چارواکو "نامناسب" حجاب بللی و د ایران د ګشت ارشاد پولیسو نیولې وه.
د هغې مرګ په ټول ایران او له ایران بهر اعتراضونه راپورته کړل چې لا هم دوام لري.