د دو افغان رسنیو وېب پاڼې چې خبرونه، خپرونې او اړوند مطالب به یې پهکې خپرول، د طالبانو د حکومت له له لوري د دوشنبې په ورځ د اکتوبر په ۳مه نېټه تړل شوې دي.
دا دوه رسنۍ هشت صبح ورځپاڼه او زاویه میډیا دي.
د هشت صبح ورځپاڼې مسؤل مدیر محمد محق ازادي راډیو ته وویل، چې د دوی د ورځپاڼې وېب پاڼه ځکه د طالبانو د حکومت د مخابراتو وزارت له لوري تړل شوې ده، چې په خبره یې د دغې رسنۍ محتویات او راپورونه د طالبانو په خوښه برابر نهدي او بې سانسوره خپرېږي.
ښاغلي محق ازادي راډیو ته وویل: "هشت صبح ورځپاڼه خپلواکه رسنۍ ده، په تېرو لسو پنځلس کلونو کې یې که د جمهوریت وخت وه که اوس هغه سیاست او پالیسې یې چې غوره کړې دا ده چې د دولتي رسنیو په کتار کې را نهشي او خپرونې یې هم د خلکو چې په واک کې نهدي، د دوی په اړه او غوښتنه وې، نو دا ډول رسنۍ د طالبانو په میل برابره نه او د ګواښ احساس هم ترې کوي."
ښاغلی محق وایي، د دې لپاره چې د دې ورځپاڼې محتویات او خپرونې له افغانستانه بهر څانګه کې ساتل کېږي، د طالبانو حکومت ورته لاسرسی نهلري خوندي دي.
د هشت صبح ورځپاڼې د چارواکو په خبره، دغه رسنۍ له تېرو ۱۵ کلونو راپه دېخوا په افغانستان کې فعالیت کوي.
کابل چاپ ورخپاڼې
زاویه میډیا بله هغه رسنۍ ده چې د طالبانو د حکومت د مخابراتو وزارت ویاند یې ځینو کورنیو رسنیو سره په خبرو کې بندیدل تایید کړي دي.
هڅه مو وکړه د دې رسنۍ له مسؤلینو سره هم خبرې وکړو، خو ونه توانېدو.
دغه شان هڅه مو وکړه د دغو رسنیو د وېب پاڼو د بندولو په اړه د طالبانو د حکومت د مخابراتو وزارت سره هم خبرې وکړو، خو ویاند یې زموږ پوښتنو ته ځواب ونه وایه.
وړاندې د دغه وزارت ویاند ځینو افغان رسنیو ته ویلي، چې د دې رسنیو وېب پاڼې یې ځکه تړلي چې په خبره یې د دوی د حکومت پر ضد یې بې بنسټه او کاذب راپورونه خپاره کړي - هغه څه چې د هشت صبح ورځپاڼې مسؤلین یې ردوي.
"د عامه رسنیو د قانون له مخې، دا ډول چلند د رسنیو د خپرونو په چارو کې بندیز او سانسور ګڼل کېږي."
د افغانستان د ازادو رسنیو ملاتړ ادارې (نی) بیا په دې اړه د یوې خبرپاڼې په خپرولو د طالبانو د حکومت دا کړنه غندلې ده.
نی په دې خبرپاڼه کې لیکلي: "د عامه رسنیو د قانون له مخې، دا ډول چلند د رسنیو د خپرونو په چارو کې بندیز او سانسور ګڼل کېږي.که د يادو شویو رسنیو لهخوا د نشراتو په برخه کې سرغړونه شوې وي، نو د رسنيزو شکايتونو او سرغړونو کمېسيون ته بايد رسمي شکايت وشي. یاد کمېسیون د رسنیو د شکایتونو مورد کې موضوع ته د رسیدنې واک لري."
د نی ادارې مسول ظریف کریمي په دې اړه ازادي راډیو ته وویل: "د رسنیو د قانون له مخې،د قانون خلاف او نقض کړنه ترسره شوې، د مخابراتو او ټکنالوجۍ وزارت باید د یو قانوني دلیل او د محکمې د حکم پر اساس دا هشت صبح ورځپاڼې او زاویه میډیا ته د توصیې او خبرداري له مخې دا موضوع رسولي وای."
په دې اړه نور: د هشت صبح ورځپاڼې د ویب پاڼې بندولو غبرګونونه پاروليښاغلی کریمي وایي، د طالبانو د حکومت دا کړنه د دې ښکارندوی کوي چې په خبره یې دوی د بیان ازادۍ او د رسنیو فعالیتونو ته ژمن نه بلکې غواړيد سانسور یې کړي.
د خبریالانو د نړیوال فدراسیون د یو راپور له مخې له هغه مهاله چې پر افغانستان طالبان واکمن شوي، تر ۱۳۰ زیاتې چاپي، راډیوګانې، ټلوېزیونونه او انلاین رسنۍ د بېلابېلو لاملونو له امله بندې شوي دي، وروستۍ هغه یې تېره اوونۍ په خوست ولایت کې د خوست غږ او رڼا رادیوګانې وې.
تر دې وړاندې هم د ازادو رسنیو او خبریالانو د ملاتړو نړیوالو او کورنیو ادارو او بنسټونو له لوري د طالبانو پر حکومت د سانسور او محدویتونو د وضع کولو ادعاوې شوي، خو طالبانو ویلي دوی هېڅ ډول محدودیت نهدی وضع کړی خو په دې شرط چې ټول افغان رسنۍ کې د اسلامي شریعت په رڼا او ملي ګټو په پام کې نیولو سره نشرات وکړي.