د طالبانو مشر په یوه فرمان کې د پنجشېر او اندراب لپاره نوی عمومي نظامي مسوول ټاکلی.
په هغه فرمان چې د طالبانو ویاند ذبیحالله مجاهد د ملاهبتالله له قوله خپور کړی راغلي، چې ملا عبدالقیوم ذاکر د دې دندې لپاره نوی مسوول ګماري.
ملا عبدالقیوم ذاکر د طالبانو د دفاع وزارت مرستیال و او د طالبانو په لیکو د یوه جنګي قوماندان په توګه مشهور دی.
طالبان وروسته تر دې پنجشېر او اندراب لپاره نوی نظامي مسوول ټاکي چې وروستیو کې هلته د مقاومت ملي جبهې ادعا وکړه چې ۴۰ وسلهوال طالبان یې اسیران کړي او بېرته یې خوشې کړي دي.
طالبانو په خپله سرپرسته اداره کې چې د کار یې یو کال زیات وخت تېرېږي، نن یو لړ نور تغییرات هم اعلان کړل.