په داسې حال کې چې د جمهوري ریاست او جمعیتاسلامي ګوند ترمنځ خبرې اترې ځنډېدلي، د مذاکره کوونکي پلاوي یو شمېر غړي وايي، له ۱۸ ورځني ځنډ وروسته دغه مذاکرې بېرته پیلېږي.
د دغه پلاوي یوه غړي محيالدین مهدي د چهارشنبې په ورځ له ازادي راډيو سره په خبرو کې د مذاکرو د پیل دقیقه نېټه په ډاګه نهکړه، خو هیلهیې وښوده چې پهدې اړه به یوې نتیجې ته ورسېږي.
جمعیت ګوند له ارګ سره د خبرو د بیا پیلېدو خبر ورکوي
دی وايي:
"د یو شمېر اختلافي مواردو موجودیت د دې لامل شوی و چې مذاکراتو کې ځند راشي، اوس تمه ده چې دغه مذاکرات بیا پیل شي. یو ځل موږ څو ورځنۍ وقفه درلوده او بیا هم ۱۸ ورځنۍ وقفه راغلې وه."
ښاغلي مهدي د ټولو اختلافي مواردو په اړه څه ونهویل، خو یوازې يې د برښنايي تذکرو د وېش بهیر ته په اشارې وویل، ګمان کېږي چې ارګ به پهدې برخه کې ملي اجماع ته حاضر شي او پر وینا يې د دې پروسې د درولو په اړه شک نهلري.
خو د افغانستان د نفوسو د احوال د ثبتولو مرکزي ادارې ویاند روحالله احمدزي ازادي راډیو ته وویل چې په هېڅ صورت د تذکرو د وېش پیل شوی بهیر نهځنډول کېږي.
په همدې حال کې د افغانستان جمهوري ریاست بیا له جمعیت ګوند سره د مذاکراتو د بیا پیل په اړه څه نهوايي.
د حکومت او جمعیت ګوند ترمنځ دغه کړکېچ وروسته له هغه زور واخیست چې ولسمشر غني د بلخ د پخواني والي عطا محمد نور استعفا منظور کړه، خو ښاغلي نور د ولسمشر پرېکړه ونهمنله او ځانیې د بلخ برحاله والي اعلان کړی.
جمهوري ریاست له جمعیت ګوند سره د مذاکراتو د بیا پیل په اړه څه نه وايي.
د بلخ د پخواني والي عطا محمد نور له لیرې کېدو نږدې دوه میاشتې تېرېږي، خو لا هم نوموړی د بلخ د والي په توګه دنده پر مخ وړي.
ګمان کېږي چې ارګ به د برښنايي تذکرو برخه کې ملي اجماع ته حاضر شي.
ښاغلي نور خبرداری ورکړی، که مرکزي حکومت په بلخ کې د هغه لاسلیک باطل اعلان کړي، هغه به په ورته اقدام لاس پورې کړي.
په ورته وخت کې د سیاسي چارو یو شمېر شنونکي بیا وايي، په نظام کې د سیاسي کړکېچونو دوام به هېواد له بحران سره مخ کړي.
د دغو کارپوهانو له ډلې قدرتالله ځواک ازادي راډیو ته وویل:
"روان وضعیت به دوه ستونزې مخې ته کړي، لومړی د سیاسي بېثباتۍ لامل به وګرځي چې د نړیوالې ټولنې بېباوري به هم له ځان سره ولري او دوهم به د خلکو سیاسي ځواک ترمنځ واټن لاپسي پراخ کړي."
ښاغلي ځواک د سیاسي اجماع په جوړېدو ټينګار وکړ او ویېویل، لومړی باید ټول سیاسیون خپل سیاسي اختلافات پرېږدي او د افغانستان امنیتي او اقتصادي وضعیت د ښه کېدو لپاره هڅه وکړي.
راپور: ناجیه ساپۍ