په افغانستان کې ځینو کورنیو د ژوند د لګښتونو د پوره کولو لپاره د پښتورګو پلور ته مخه کړې.
که څه هم د طالبانو حکومت د بدن د غړو پلور منع اعلان کړی، خو دغه چاره لا هم په ځانګړې توګه د افغانستان په لویدیځ کې روانه ده.
سره لدې چې افغانستان کې د طالبانو حکومت د بدن د غړو په خرڅلاو بندیز لګولی، مونږ هڅه وکړه په ځینو سیمو کې دخلکو لخوا د بدن د غړو د پلور په هکله د طالبانو نظر وپوښتو.
خو د طالبانو د حکومت یوې سرچینې په دې اړه له نظر څرګندولو څخه ډډه وکړه.
دغه راز هرات کې دوه خصوصي روغتونونه چې د بډوډو د پیوند په عملیاتو تورن شوي ،هغوی هم په دې هکله له څه ویلو څخه ډډه وکړه.
په دغه مستند کې مو د پښتورګو د سوداګرۍ بېلابېلو اړخونو ته کتنه کړې چې د بې وزلۍ او ناچارۍ کیسې او د ژوندي پاته کېدو لپاره د دغې بیې پرې کول په کې نغښتل شوي دي.