که څه هم د خیبرپښتونخوا د ولس ترڅنګ صوبایي اسامبلۍ هم د جرګې د وړاندیزونو ننګه کړې، خو د پوځ د ایستلو موضوع له اسلام اباد سره تړلې ده که د مرکزي حکومت خوښه نه وي دا مساله به څرنګه تطبیقیږي؟
دې جرګې دا فیصله هم کړې ده چې د ډیورند پر کرښه باندې دې د تګ راتګ لارې پرانیستې وي او کوم اصول چې د دې کرښې په ارتباط د انګریزانو په وخت په اتلس سوه درې نویم کال کې د ډیورنډ د کرښې د تیریدو په وخت وضع شوي وو، هغه دې پلي شي. همدا اصول تقریبا تر دوه زره لسم کال پورې روان وو.
خو اساسي پوښتنه دا ده چې ایا دا او د جرګې نورې پریکړې به عملي شي؟
د دې اوونۍ په مثلث کې دا موضوع څیړو