" د نیوزیلند په وړاندې بریا په شل اووریز کرکټ کې زموږ له لویو بریاوو څخه وه"
د افغانستان د کرکټ د ملي ټيم کپټان راشدخان له نیوزیلنده د لوبې تر ګټلو وروسته په یوه خبري کنفرانس کې وویل چې دا په شل اووریز کرکټ په تېره بیا نړیوال جام کې د افغانستان له لویو بریاوو وه. افغانستان نن سهار وختي نیوزیلند ته په ۸۴ منډو ماته ورکړه. دا په نړیوال جام کې د افغانستان دویمه بریا وه. په لومړۍ لوبه کې افغانستان په سي ډله کې د ۱۲۵ منډو په توپیر یوګاندا ته ماته ورکړې وه. د افغانستان راتلونکې لوبه د پاپوا نیوګینې په وړاندې راتلونکې جمعه ترسره کېږي.