د څو ساعتونو له تېرېدو وروسته هم په ایران کې د هغې څرخي الوتکې د موندنې او د سورلۍ د ژغورنې عملیاتو نتیجه نه ده ورکړې چې پرون په اذربایجان شرقي ولایت کې نسکوره شوه.
ایرانۍ رسنیو د پېښې علت خرابه هوا ښودلې ده.
په الوتکه کې د ایران ولسمشر ابراهیم رییسي، د بهرنیو چارو وزیر حسین امیر عبداللهیان او نور حکومتي چارواکي وو.
ایراني چارواکو د الوتکې د نسکورېدو علت خرابه هوا او هلته خپره شوې لړه یا غبار ښودلی دی.
تېره شپه هم د ژغورنې او پلټنې عملیات روان وو، خو تر اوسه د څرګندې نتیجې په باب څه نه دي ویل شوي.
د ازادي رادیو خبریال په واشنګټن ډيسي کې د نړیوالو چارو انسټېټیوټ له مشر هاشم وحدتیار څخه د مرکې په پیل کې پوښتنه وکړه، د ایران د ولسمشر او نورو چارواکو د نسکورې شوې الوتکې موندلو ولې دومره زیات وخت ونیوه؟
د دې مرکې د اورېدو لپاره لاندې لېنک کېکاږلی شئ:
