د لاسرسۍ وړ لېنکونه

تازه خبر
پنجشنبه ۳۰ وری ۱۴۰۳ کابل ۱۱:۱۶

افغانستان

کرکټ؛ سریلانکا په لومړۍ لوبه کې افغانستان ته د ۴۲ منډو په توپير ماتې ورکړه

د افغانستان او سریلانکا د لوبې یو انځور
د افغانستان او سریلانکا د لوبې یو انځور

د سریلانکا د کرکټ ملي لوبډلې د درې یو ورځنیو سیالیو د لوبلړۍ په لومړۍ لوبه کې افغانستان ته د ۴۲ منډو په توپیر ماتې ورکړه.

یاده سیالي چې نن جمعه د کابل پر وخت ماسپښین ۱:۳۰ بجه پیل شوې وه، افغان لوبډلې یې پچه وګټله او توپ اچونه یې انتخاب کړه.

کوربه لوبډلې د ۳ لوبغاړو په سوځېدو سره ۳۸۱ منډې وکړې.

د یادې لوبډلې لپاره پټوم نساکا غبرګه سلیزه ووهله.

هغه یوازېنی سریلانکايي توپوهونکی شو چې په یو ورځنیو سیالیو کې غبرګه سلیزه وهي.

د نوموړي په پاڼۍ کې ۲۰ څلوریزې او ۸ شپږیزې شاملې وې.

دغه راز د یادې لوبډلې بل پیلیز توپوهونکي اوېشکا فیرنینډو بیا ۸۸ منډې کړې وې.

په افغان توپ اچونکو کې فرید ملک دوه لوبغاړي وسوځول، خو محمدنبي تر ټولو توپ اچونکو ښه وځلېد، هغه په ۱۰ اورونو کې ۴۴ منډې ورکړې او یوه وېکټ یې واخیسته.

د هدف پوره کولو لپاره د افغانستان د توپوهنې ډلګۍ ښه پیل نه درلود، ۵ لوبغاړي یې یوازې په ۵۵ منډو له لاسه ورکړي وو.

عظمت الله عمرزي او محمدنبي په ۶مه وېکټ لوبه وروـ ورو وغځوله، دواړو سلیزې ووهلې، خو لوبه یې ونه‌شوه ګټلی.

دواړو د ۲۴۲ منډو تاریخي ملګرتیا وکړه، دا په نړیوال کرکټ کې په ۶مه وېکټ دوهمه اوږده ملګرتیا وه.

محمدنبي پوره ۹ کاله وروسته بریالی شو چې په یو ورځنیو سیالیو کې دوهمه سلیزه ووهي.

هغه خپله لومړۍ سلیزه له نن پوره نهه کاله وړاندې د زمبابوې پر وړاندې ۱۱۶ منډې کړې وې.

نبي په ۱۳۶ منډو وسوځېد، ۱۳ څلوریزې او ۳ شپږیزې یې ووهلې.

دغه راز عظمت الله عمرزی بیا په ۱۴۹ منډو ناسوځېدلی پاتې شو.

دا په نړیوال کرکټ کې د عمرزي لومړنۍ سلیزه وه.

هغه په ۱۱۵ توپونو ۱۴۹ منډې وکړې چې په پاڼۍ کې یې ۱۳ څلوریزې او ۶ شپږیزې شاملې وې.

په نورو افغان توپوهونکو کې ګلبدین نایب ۱۶، اکرام علیخیل ۱۰ ناسوځېدلې، رحمن الله ګربز یوه منډه، ابراهیم ځډراڼ ۴، رحمت شاه او حشمت الله شهیدي ۷ـ۷ منډې وکړې.

د ویلو ده چې دواړه لوبډلې به دویمه سیالي د روانې میاشتې په ۱۱مه نېټه ولوبوي او وروستۍ لوبه به یې په ۱۴مه نېټه وي.

د ورځې تازه خبرونه دلته ولولئ

د پاکستان پوځ: له افغانستانه را اوښتونکي ۷ وسله وال مو وژلي

د افغانستان او پاکستان تر منځ د ډیورنډ فرضي کرښه - ارشیف
د افغانستان او پاکستان تر منځ د ډیورنډ فرضي کرښه - ارشیف

د پاکستان پوځ وایي، د دغه هېواد امنیتي ځواکونو پرون چهارشنبه هغه ۷ وسله وال وژلي چې غوښتل یې په پټه له افغانستانه د دوی خاورې ته ورشي.

اسوشیتید پریس خبري اژانس د پاکستان د پوځ د خبرپاڼې پر اساس وایي چې دغه وسله وال غلام خان بندر ته نژدې چې له خیبر پښتونخوا سره پر پوله پروت دی، وپېژندل شول او له منځه ولاړل.

په خبرپاڼه کې راغلي چې پاکستان په پرله پسې ډول د طالبانو له حکومته غوښتي چې خپلې پولې سمې مدیریت کړي او پاکستان هیله لري چې د طالبانو حکومت وسله والو ته د پاکستان په ضد د افغانستان د خاورې د کارونې اجازه ورنه کړي.

د طالبانو حکومت د پاکستان د دغې ادعا په اړه څه نه دي ویلي، خو مخکې یې ویلي چې د پاکستان امنیتي ستونزې د هغوی یوه کورنۍ موضوع ده.

طالبانو په وار وار ادعا کړې چې هیڅ ډلې ته اجازه نه ورکوي چې د افغانستان له خاورې د نورو په ضد کار واخلي.

ملګري ملتونه: تېرکال مو افغانستان کې د اوبو ۴۷۰ کیلومتره کانالونه جوړ کړي

ارشیف
ارشیف

د خوړو نړیوال پروګرام، WFP وایي، تېرکال یې په افغانستان کې د محلي ټولنو په مرسته د اوبو نژدې ۴۷۰ کیلومتره کانالونه جوړکړي دي.

د دې پروګرام د افغانستان څانګې پرون چهارشنبې په خپله ایکس پاڼه یا پخواني ټویټرکې کښلي چې په افغانستان کې بزګر، اوبو ته له لاسرسي پرته ژوند نه شي کولای او زیاتوي د اوبو دغه کانالونه به له دوی سره مرسته وکړي چې خواړه یې زیات، خپلې کورنۍ تغذیه او هم اضافي محصولات وپلوري او ژوند وکړي.

په افغانستان کې د څو کلونو وچکالۍ وروسته، وروستیو ورښتتونو بزګر له خپلو کروندو د راتلونکي کال ښه حاصل ته هیله‌ من کړي دي.

د ورښتونو او سېلابونو له کبله د مړو شویو افغانانو شمېر شاوخوا ۷۰ ته رسېدلی

په ننګرهار کې د باران او سېلاب له کبله د اوښتو زیانونو یو انځور
په ننګرهار کې د باران او سېلاب له کبله د اوښتو زیانونو یو انځور

په افغانستان کې د تېرو ۵ ورځو ورښتونو او سېلابونو له کبله د مړو شویو کسانو شمېر شاوخوا ۷۰ ته رسېدلی دی.

طبیعي پېښو ته د رسېدو په چارو کې د طالبانو د دولت وزارت ویاند جانان سایق نن چهارشنبه ویلي چې دغو ورښتونو او سېلابونو کې چې په اکثرو ولایتونو کې راوتلي ۵۰ کسان ټپیان شوي هم دي.

فرانس پرېس خبري اژانس د سایق په حواله ویلي چې په سېلابونو کې ۲۶۰۰ کورونه او ۹۵ زره هکتاره کرنیزه ځمکه تخریب شوې.

د ملګرو ملتونو د بشري چارو د همغږۍ ادارې یا اوچا پرون د سېلابونو له کبله پر اوښتې مرګ ژوبلې او زیانونو اندېښنه وښوده او وې ویل، سېلاب ځپلي بېړنیو مرستو ته اړتیا لري.

یو طالب چارواکی: صنعت د نظام د ملا تېر دی، معیاري توب او ښه والي ته یې کار کوو

ارشیف
ارشیف

د طالبانو د حکومت د سوداګرۍ او صنعت وزارت وایي، صنعت د نظام د ملا تېر دی او په خبره یې د ښه والي او معیاري توب لپاره یې کار کړی.

د دغه وزارت د سوداګرۍ عمومي رییس محمد زبیر دین پرور دغه څرګندونې په پروان ولایت کې د " عالیست افغانیست" په نوم د کورنیو تولیداتو د درې ورځنی نندارتون په پای کې وکړې.

په دغه نندارتون کې چې پرون سه شنبه پای ته ورسېد، په څه باندې سلو غرفو کې افغاني تولیدات او محصولات نندارې ته ایښودل شوي وو.

دا هڅې داسې مهال کیږي چې په کور دننه صنعت کاران د برېښنا د کموالي په ګډون د یو شمېر نورو اسانتیاوو له کموالي شکایتونه لري.

د عالیست افغانیست په نوم د نندارتونونو لړۍ ۲۰۱۷ کال کې د تېر پرزیدلي جمهوري نظام پر مهال پيل شوې ده.

د افغانستان د خبریالانو مرکز: د طالبانو لخوا د ۲ تلویزوني چینلونو بندول غیر قانوني دي

د افغانستان د خبریالانو مرکز لوګو
د افغانستان د خبریالانو مرکز لوګو

د افغانستان د خبریالانو مرکز په افغانستان کې د دوو ټلویزیوني چینلونو پر خپرونو بندیز غیر قانوني اقدام بللی دی.

د طالبانو حکومت پرون د نور او بریا په نوم ټلویزیونه بند کړل او ویې ویل چې د دوی اړوندې دوسیې یې محکمې ته سپارلې دي.

د خبریالانو مرکز نن په یوه خبرپاڼه کې وویل چې دا پرېکړه د هېواد د ټولنیزو رسنیو له قانون سره په ټکر کې ده.

د رسنیو د ملاتړ دې ټولنې د دې پرېکړې د لغوې او د دې دوو رسنیو د فعالیت د سمدستي پیل غوښتنه کړې.

د اطلاعاتو او کلتور وزارت په چوکاټ کې د رسنیزو شکایتونو او سرغړونو د څېړنو د کمیسیون غړي ذبیح الله سادات پرون ماښام خبریالانو ته وویل چې نور او بریا ټلویزیوني چینلونو اصول تر پښو لاندې کړي وو او سره له دې چې په وار وار ورته ویل شوي و، چې د هېواد ملي ګټې او د ژورنالېزم اصول په پام کې وساتي، خو د ده په وینا هغو دا سپارښتنې له پامه غورځولې وې.

نور ټلویزیون د جمعیت اسلامي د مشر صلاح الدین رباني او بریا ټلویزیون د حزب اسلامي د مشر ګلبدین حکمتیار له خوا جوړ شوي وو.

د طالبانو حکومت ۲ تلویزونونه تړلي او دوسیې یې خپلې محکمې ته سپارلې دي

ارشیف
ارشیف

د طالبانو حکومت د نور او بریا په نوم ټلویزیونه تړلي او ویلي یې دي چې د دوی اړوندې دوسیې یې محکمې ته سپارلې دي.

د طالبانو د حکومت د اطلاعاتو او کلتور وزارت په چوکاټ کې د رسنیزو شکایتونو او سرغړونو د څېړنو کمیسیون پرون ناوخته د دې رسنیو د خپرونو د بندېدو خبر ورکړ.

د دې کمیسیون غړي ذبیح الله سادات یوې خبري غونډې ته وویل چې دې ټلویزیونونو اصول تر پښو لاندې کړي وو او سره له دې چې په وار وار ورته ویل شوي و، چې د هېواد ملي ګټې او د ژورنالیزم اصول په پام کې وساتي، خو د ده په وینا هغوی دا سپارښتنې له پامه غورځولې وې.

نور ټلویزیون د جمعیت اسلامي د مشر صلاح الدین رباني او بریا ټلویزیون د حزب اسلامي د مشر ګلبدین حکمتیار له خوا جوړ شوي وو.

بدخشان کې چاودنه؛ یو ماشوم مړ او پلار یې ټپي شو

د افغانستان په نقشه کې بدخشان ولایت
د افغانستان په نقشه کې بدخشان ولایت

د بدخشان ولايت په بهارک ولسوالۍ کې د ماين د چاودنې له امله يو څوارلس کلن هلک وژل شوى او پلار يې ټپي دى.

په بدخشان کې د طالبانو د امنیې قومندانۍ ویاند احسان الله "کامګر" وايي چې دا پېښه د سه شنبې په ورځ (اپریل ۱۶) د دغه ولایت د بهارک ولسوالۍ په ملنګ آب کلي کې شوې ده.

د کامګار په وينا، ماين له کورنيو جګړو راهيسې په يوه کرونده کې پاتې و او د پېښې لامل شوى دى.

د ملګرو ملتونو د شمېرو له مخې، د ۲۰۲۲ کال له جنورۍ څخه د ۲۰۲۴ کال تر فبرورۍ پورې په افغانستان کې د ماینونو او نورو ناچاودېدونکو توکو د چاودنو له امله څه باندې ۱۴۰۰ کسانو ته مرګ ژوبله رسېدلې چې ډېری یې ماشومان دي.

د بې پولې ډاکټرانو سازمان له پاکستانه د افغان کډوالو په ایستو اندېښنه وښوده

ارشیف
ارشیف

د بې پولې ډاکترانو ټولنې ام اس اف ویلي د هغو افغانانو په اړه جدي اندېښنه لري چې له پاکستانه په زور ایستل کېږي.

دې ټولنې په یوه خبرپاڼه کې د سه شنبې په ورځ دا خبره کړې.

ام اس اف ویلي ګڼ دا افغانان روغتیايي خدماتو څخه محرومه دي، له بیوزلۍ کړېږي، سختو شرایطو او داسې حال کې خپل هېواد ته ستنېږي چې په ښځو باندې پراخ محدودیتونه لګول شوي.

له پاکستانه د افغان کډوالو د جبري ستنولو په دویم پړاو کې چې د اپرېل له ۱۵ وروسته پیل شوی شاوخوا اته لکه کسان اغېزمنوي.

دا هغه افغان کډوال دي چې په پاکستان کې ثبت او راجستر شوي او تر څنګ یې د افغان تابعیت اسناد یا اې اسي سي کارتونه لري.

پاکستان د کډوالو د جبري ستنولو په لومړي پړاو کې شاوخوا نیم میلیون افغانان چې په خبره یې اسناد یې نه درلودل له خپلې خاورې په داسې حال کې وایستل چې افغانستان کې سوړ ژمی و او خلک یې له سختې بېوزلۍ او لوږې سره مخ دي.

طالبانو د دوو تلوېزیوني شبکو د بندولو پرېکړه کړې

ارشیف: په افغانستان تلوېزیوني چینلونه
ارشیف: په افغانستان تلوېزیوني چینلونه

د راپورونو له مخې د طالبانو په کنټرول کې د افغانستان د رسنیزو سرغړونو کمېسیون د دوو تلوېزیوني شبکو د بندولو پرېکړه کړې ده.

د باختر خبري آژانس چې طالبان یې اداره کوي د خبر له مخې د دغې پرېکړې له مخې به د نور او بریا تلوېزیونونو خپرنې بندېږي او هغه به محکمې ته راجع کېږي.

د راپور له مخې د دغو تلوېزیوني شبکو د فعالیت د بندولو پرېکړه په دې خاطر شوې چې د خبریالی اصول او ملي او اسلامي ارزښتونو ته یې پام نه دی کړی او هغوی همداراز قومي، ژبني او سمتي تعصبونو ته په لمن وهلو تورن شوي دي.

په دې اړه نور جزییات نه‌دي ورکړل شوي او نه هم په دې خبر کې د دغو رسنیو د مسوولانو څرګندونې رااخیستل شوي، خو دا په افغانستان کې پر خپلواکو رسنیو د طالبانو له لوري یو بل ګوزار ګڼل کېږي.

پکتیا: د غره ښوېیدو له امله د یوې کورنۍ ۵ غړي وژل شوي

د افغانستان په نقشه کې پکتیا ولایت
د افغانستان په نقشه کې پکتیا ولایت

په پکتیا ولایت کې د یوه غره د ښویېدو په پېښه کې د یوې کورنۍ ۵ غړي مړه شوي دي.

باختر خبري آژانس چې طالبان یې اداره کوي، د سیمه ییزو چارواکو له قوله خبر ورکوي چې پېښه د دې ولایت په وزې ځدراڼ ولسوالۍ کې شوې ده.

د خبر له مخې، چارواکو ویلي دي چې د پېښې په قربانیانو کې د دې کورنۍ ماشومان هم شامل دي.

په خبر کې د پېښې وخت نه دی ښودل شوی.

نور راوښيه

XS
SM
MD
LG