د طالبانو حکومت وايي، سبا دوشنبې په کابل کې د افغانستان د ګاونډیانو او د سیمې د هېوادونو د ځانګړو استازو او سفیرانو په ګډون یوه غونډه جوړېږي.
په پام کې ده چې په دې غونډه کې د روسیې، چین، ایران او پاکستان استازي ګډون وکړي.
د طالبانو د حکومت د بهرنیوچارو وزارت مرستیال حافظ ضیااحمد پر ایکس شبکې په یوه بیان کې ویلي چې په دې غونډه کې به د افغانستان او سیمې د هېوادونو ترمنځ د سیمه ایز روایت پر ایجاد او د سیمه ایزو همکاریو د پراختیا په اړه بحثونه وشي.
دا په داسې حال کې ده چې ټاکل شوې د راروانې فبروري میاشتې په اتلسمه او نولسمه په دوحه کې د ملګرو ملتونو تر مشرۍ لاندې د افغانستان په اړه یوه غونډه جوړه شي او د افغانستان په اړه بحثونه پکې وشي.
احمد تکل د کابل د غونډې په اړه د سیاسي چارو له شنونکي سمیع یوسفزي سره مرکه کړې او په سرکې یې د دې کنفرانس د اهمیت په اړه ترې پوښتلي دي.
د دې مرکې د اورېدو لپاره لاندې لېنک پرانیستلی شئ:
