په کابل کې د سعودي عربستان سفارت د تړل کېدو په اړه د خبرونو تر خپرېدو وروسته، د طالبانو حکومت ویلي، چې د سعودي سفارت کارکونکي په موقت ډول له افغانستان وتلي.
په ورته وخت کې په افغانستان کې د پاکستان سفارت د سرپرست لهخوا اداره کېږي او وړاندې له دې چین او روسیې هم له طالبانو غوښتي وو چې د دوی د سفارت او ډیپلوماتانو د امنیت په برخه کې دې جدي ګامونه پورته کړي.
مرسلین ارسلا، پر همدې موضوع له پخواني ډیپلومات او د نړیوالو اړیکو له شنونکي، غوث جانباز سره مرکه کړې او په پیل کې یې ترې پوښتلي، چې ولې بهرني سفارتونه یو په بل پسې په افغانستان کې خپل فعالیتونه راکموي او ان ځینو سفارتونو خپل فعالیت بند کړي؟
دا مرکه د لاندې غږيز فايل په کېکاږلو اورېدلی شئ:
