ټاکل شوې ده چې د ملګروملتو امنیت شورا نن (جمعه) د افغانستان د وضعیت په اړه ځانګړې غونډه وکړي.
دا غونډه افغانستان ته د ملګروملتو د سرمنشي د مرستیالې امینې محمد له سفره وروسته دایریږي.
په ملګروملتو کې د متحده عربي اماراتو د استازي ویاند شهاد مطر پر خپله ټویټرپاڼه کښلي چې دا غونډه د متحده عربي اماراتو، جاپان او فرانسې په غوښتنه جوړېږي او امينه محمد به د خپل وروستي سفر په باب شورا ته معلومات ورکړي.
دغه راز امینه محمد به دې غونډې ته له طالبانو سره د خپلو خبرو په اړه د شورا د غړیو پوښتنو ته ځواب ووايي.
عصمت څاروان د سیاسي چارو له نظرخاوند شیراعظم سره په دې هکله مرکه کړې او لومړی یې ورته ویلي چې ایا امینه محمد توانېدلې چې طالبان د خپلو دریځونو نرمولو ته وهڅوي؟
د ښاغلي اعظم مرکه د لاندې غږيز فايل په کېکاږلو اورېدلی شئ:
