د کابل د کارته پروان د ګوردواره مسوول ګورنام سینګ تاییدوي چې دوی ته د هند د ویزو یوه اطلاعیه ور رسېدلې ده.
د هند حکومت وړمه ورځ افغان سېکهانو او هندوانو ته بېړنۍ ویزې منظورې کړي.
ګورنام سینګ له ازادي راډیو سره په خبرو کې وویل د اکثرو سېکهانو کورنۍ او بچیان هند ته کډه شوي او کم شمېر یې دلته د کاروبار لپاره پاتې دي.
له صفي الله ستانکزي سره په مرکه کې ګورنام سینګ زیاته کړه چې سخته خپل وطن پرېږدي:
