د افغانستان د بیارغونې پر چارو د امریکا د حکومت سرمفتش وايي د هغو نغدو پیسو د لګښت د څرنګوالي له کبله اندېښمن دی چې ملګري ملتونه یې د خپلو لګښتونو لپاره افغانستان ته انتقالوي.
نژدې لس میاشتې کېږي چې له نړیوالو بانکي سیسټمونو سره د افغانستان اړیکي پرې شوې او ځکه نو هغه پیسې چې مرستندوی هېوادونه او خیریه ټولنې یې له افغانانو سره کوي، افغانستان ته نغدې استول کېږي.
په دې اړه احمدتکل د پوهنتون له استاد او د اقتصادي چارو له شنونکي دوست محمداحمدزي سره مرکه کړې او په سر کې یې ترې پوښتلي دي چې په نغدو پیسو د تبادلې خطرونه کوم دي:
