د لاسرسۍ وړ لېنکونه

تازه خبر
چهارشنبه ۱۵ چنګاښ ۱۴۰۱ کابل ۱۱:۲۰

ناټو د روسيې سرحدونو ته د ور نزدې کېدو هيله لري


ستولتنبرګ وایي چې د سویډن او فنلنډ له غړیتوب سره به دا هڅې بشپړې شي

د ناټو سرمنشي ينس سټولټنبرګ وايي، د سويډن او فنلنډ له غړيتوب وروسته ناټو هيله‌منه ده چې د روسيې تر سرحدونو به ور نزدې شي.

سويډين او فنلنډ له روسیې سره ګډه پوله لري.

د ناټو سرمنشي هیله ښکاره کړه چې ترکیه به د سویډن او فنلنډ له غړیتوب سره مخالفت ونه کړي.

ینس ستولتنبرګ پرون د سویس په داوس کې نړیوالې اقتصادي غونډې ته د خبرو پر مهال وویل، چې د سویډن او فنلنډ د غړیتوب تر لاسه کولو لپاره به دا تړون لارې چارې ولټوي.

د ناټو د غړیتوب لپاره پکار ده چې د دې تړون د ټولو دېرش غړیو هېوادو موافقه وي.

د فنلنډ د بهرنیو چارو وزیر پیکا هاویستو وویل، چې نن به د فلنډ او سویډن پلاوی انقرې ته ولاړ شي څو ترکیه وهڅوي چې د دې دوو هېوادو د ناټو د غړیتوب له مخالفته لاس واخلي.

د ناټو سرمنشي ينس سټولټنبرګ
د ناټو سرمنشي ينس سټولټنبرګ

د ترکیې د بهرنیو چارو وزارت هم تایید کړه چې نن چهارشنبې به له سویډن او فنلنډ سره په انقره کې خبرې پيل شي.

د ناټو سرمنشي په داووس کې نړیوالې اقتصادي غونډې ته پرون د خبرو پر مهال د اوکراین د جګړې په تړاو د ناټو مسوولیت ته هم اشاره وکړه.

نوموړي وويل: "د ولسمشر پوتین جګړه په اوکراین کې د اروپا سوله ولړزوله. دا لوبه بدلوي. یوازې د اروپا د امنیت په برخه کې نه، د نړیوال نظم په برخه کې. ناټو د روسیې د تیري په وړاندې دوې اساسي دندې لري. یوه دا ده چې د اوکراین ملاتړ وکړي او بله دا چې پرې نه‌ږدي چې جګړه پراخه شي"

ښاغلي ستولتنبرګ زیاته کړه چې تېر کال په ډسمبر کې ولسمشر پوتین ناټو ته خبرداری ورکاوه چې د اروپا له ختیځه په شا شي او د دې لپاره چې د ناټو د پراختیا مخه ونیسي جګړه یې پیل کړه خو اوس ناټو د روسیې سرحدونو ته نوره ورنژدې شوې ده.

ستولتنبرګ بیا وویل چې فنلنډ او سویډن تاریخي پرېکړه کړې ده چې له ناټو سره یو ځای کېږي.

XS
SM
MD
LG