ملګري ملتونه وایي، افغانستان له داسې سختې وچکالۍ سره مخامخ دی چې په وروستیو دریو لسیزو کې یې ساری ندی لیدل شوی.
په افغانستان کې د سختې وچکالۍ خبرداری داسې مهال ورکول کیږي چې د ملګرو ملتونو په وینا د افغانستان له نيمايي زیات نفوس له لوږې سره مخ دی.
ملګرو ملتونو په یوه وروستي راپورکې ویلي چې په ټول افغانستان کې خلک د خوراکي توکو د خوندیتوب په برخه کې له ستونزو سره مخ دي، خو وچکالۍ او د اقتصادي سقوط له امله نږدې ۲۰ میلیونه افغانان خواړه نه لري.
په دې اړه نوریاس نوري د کابل د پولیتخنیک پوهنتون د اوبو د مدیریت او چاپریال ساتنې له پخواني استاد محمد عاصم مایار سره مرکه کړې او لومړی یې ترې پوښتنه کړې چې ایا په رښتیا افغانستان له سختې وچکالۍ سره مخامخ دی؟
