هلمند او ارزګان ولایتونو کې خلک د ژمي په را رسېدو خپل راتلونکي ته اندېښمن دي.
د افغانستان د سویلي ولایتونو دغه اوسېدونکي وايي، اقتصادي وضعیت يې صفر ته رسیدلی او کورونو کې د سهار او ماښام ډوډۍ نه لري.
دوی زیاتوي، له یوې خوا یې بې کاري ځوروي او له بلې خوا د توکو د لوړو بیو څخه هم شکایت لري.
ملګرو ملتونو په دې وروستیو کې خبرداری ورکړی چې افغانستان د خوراکي توکو له سخت بحران سره مخ دی.
د خوړو د نړیوال پروګرام مشر ډیوېد بېسلي تېره ورځ ویلي وو چې ۲۲.۸ ميليونه وګړي چې د افغانستان د نفوس تر نیمايي ډېره برخه ده، د خوړو له سخت کمښت سره مخامخ دي.
دغه سازمان همدارنګه خبردارۍ ورکوي چې د نړۍ په ۴۳ هېوادونو کې شااوخوا ۴۵ میلیونه انسانان د لوږې له ګواښ سره مخ دي.
ډیوېد بیسلي د افغانستان لپاره "راتلونکې شپږ میاشتې پر ځمکه 'دوزخ' ته ورته بللي دي.
بشپړ غږیز راپور یې د دې تړوني په کېکاږلو سره واورئ:
