دانش صدیقي هغه خبریال چې د جګړه ییزو خبرونو لپاره یې سر بایلود
په دغه ویډیويي راپور کې هغه صحنې ووینئ چې د رویټرز خبریال دانش صدیقي د هغو تصویر اخیستو لپاره خطر منلی و چې په پای کې یې ژوند له لاسه ورکړ. دغه خبریال په خټه هندی و او د کندهار په سپین بولدک کې له افغان کومانډو ځواکونو سره وو چې د جمعې په ورځ ووژل شو. طالبانو د هغه مړی نن د شنبې په ورځ د نړیوال سره صلیب کمېټې ته ورکړ. سره له دې چې افغان حکومت وایي، نوموړی د طالبانو له لوري وژل شوی خو طالبان دا خبره نه مني.
