د افغانستان ولسي جرګې د ۱۴۰۰ مالي کال بودجه له نږدې دوه میاشتې جنجال وروسته تصویب کړه.
د جرګې مشر میر رحمان رحماني د دوشنبې په ورځ «۱۳۹۹ کال د کب ۰۴» د جرګې عمومي غونډه کې وویل، د خلکو د استازو هڅې د دې لامل شوې چې حکومتیې سپارښتنې او غوښتنې ومني.
ښاغلی رحماني زیاتوي: "ستاسو پر ځای او عادلانه هڅې د دې لامل شوې چې حکومت ستاسې معقولې غوښتنې ومنلې چې له دې ډلې سر له حمل میاشتې د دولت د ټیټ پوړو مأمورینو او ښوونکو په معاشونو کې دوه زره افغانۍ زیاتې شوې."
د ولسي جرګې د مالي او بودجې کمېسیون مشر میر افغان صافي په بودجه کې د بدلونونو په اړه وویل، د مالیې وزارت لهخوا د مالي کال بودجې په درېیمې مسوده کې ۱۹ موارده له هر اړخیز بحثونو وروسته حل شوي دي.
نوموړی زیاتوي، په بودجه کې د نورو مواردو ترڅنګ، ملي دسترخوان او لوړ رتبه چارواکو ته د دسترخوان پیسو ورکړه لهمنځه وړل شوې ده.
افغان حکومت د دلوې په ۱۸مه د ۱۴۰۰ مالي کال بودجې درېیمه مسوده د بحث لپاره جرګې ته ولېږله چې بالاخره له نږدې دوه اوونیو بحثونو وروسته ومنل شوه.
افغان جمهور رئیس هم د ولسي جرګې لهخوا، د ۱۴۰۰ مالي کال بودجې تصویب په اړه خوښي څرګنده کړې.
د جمهور رئیس مرستیال ویاند دوا خان مینهپال رسنیو ته استول شوي پیغام کې ویلي: "ولسمشر د ولسي جرګې د غړو دا پرېکړه چې بودجهیې د هېواد ملي ګټو ته په کتو تصویب کړه، ستاینه وکړه او دا یې د افغانستان اسلامي جمهوریت د پلانونو او برنامو، په ځانګړې توګه په ټول هېواد کې د انکشافي پروژو د پلي کېدو په اړه اړینه پرېکړه وګڼله."
له دې وړاندې د ۱۴۰۰ مالي کال بودجه کې د معاشونو نه یو شان والی، د ۲۱ زره تشکیلاتو کمښت، د هغه ادارو شتون چې ولسي جرګې نهدي تصویب کړي او ملی دسترخوان هغه ټکي و چې ولسي جرګې یې له امله دا بودجه دوه ځلې رد کړې وه.
د ۱۴۰۰ مالي کال ټوله بودجه ۴۷۳ میلیارده افغانۍ ده چې ۳۱۱ میلیاردهیې عادي او ۱۶۱ میلیارد افغانۍ یې پراختیايي برخې ته ځانګړې شوې ده.