د افغانستان په سویل کې د ملي اردو د جلب او جذب مسئولین وايي، د ملي اردو لیکو ته د ځوانانو د ورتګ لیوالتیا زیاته شوې ده.
د چارواکو په وینا د روان کال په پنځو میاشتو کې شاووخوا ۲۰۰۰ زره کسانو په پوځ کې د شاملېدو لپاره نوملیکنه کړې چې یو شمېر یې اوس تر پوځي روزنې لاندې دي.
په ورته وخت کې د ملي اردو په لیکو کې تازه شامل شويو ځوانانو، ازادي راډیو سره په خبرو کې ویلي چې د زده کړو پرمهال ورته د ځان ساتنې، د وسلو د استعمال او خلکو سره د ښه چلند روزنه ورکول کېږي.
صادق رښتینی په سویل کې د ۲۰۵ اتل قول اردو روزنیز مرکز ته ورغلی او په دې اړه راپور لري چې د لاندې لینک په کېکاږلو سره یې اورېدلی شئ:
