په ورته وخت کې عبدالله عبدالله هم په سپېدار ماڼۍ کې چې د لوړې مراسمو لپاره تیاریانې نیول شوې وې، لوړه وکړه.
د ولسمشر غني د لوړې مراسم نن له غرمې وروسته ترسره شول.
د ښاغلي غني د لوړو په مراسمو کې د افغان سولې لپاره د امریکا ځانګړي استازي زلمي خلیلزاد، کابل کې د امریکا سفارت شارژدافیر راس وېلسن، په افغانستان کې د غوڅ ملاتړ مأموریت قوماندان سکاټ مېلر، د کاناډا، فرانسې، اندونیزیا، جرمني، پاکستان او یو شمېر نورو هېوادونو سفیرانو په ارګ کې د ولسمشر اشرف غني د لوړې په مراسمو کې ګډون کړی و.
په ورته وخت کې عبدالله عبدالله هم په سپېدار ماڼۍ کې چې د لوړې مراسمو لپاره تیاریانې نیول شوې وې، لوړه وکړه.
د "ثبات او همپالنې" ټاکنیزې ډلې لوړپوړي غړي فضل احمد معنوي ازادي راډیو ته وویل چې د عبدالله عبدالله د لوړې په دغو مراسمو کې "د ایران او ترکیې ډیپلوماتانو" ګډون درلود.
وړاندې له دې د عبدالله عبدالله ټاکنیز ټیم ویلي و چې د محمد اشرف غني او عبدالله عبدالله د لوړې مراسم ځنډېدلي.
تازه: افغان ولسمشر محمد اشرف غني او د افغانستان قاضيالقضات د لوړې لپاره ټاکل شوي ځای ته ولاړل او لوړهیې وکړه.
تازه: د ولسمشر غني لومړی مرستیال امرالله صالح او دوهم مرستیال سرور دانش لوړه کوي.
تازه: عبدالله عبدالله په سپېدار ماڼۍ کې د لوړې لپاره ټاکل شوي ځای ته ولاړ او لوړهیې وکړه.
تازه: د ولسمشر غني ځانګړي استازي محمد یوسف غضنفر لوړه وکړه.
