د افغانستان د انتخاباتو خپلواک کمېسیون نن د پنځو ولایتونو او د هندوانو د حوزې د ولسي جرګې د انتخاباتو وروستۍ پایلې اعلان کړې.
دغه کمېسیون د سې شنبې په ورځ «۱۳۹۷ کال د کب ۲۸» د غور، بلخ، پکتیکا، هرات او بادغیس دا شان د اهل هنودو او سېکهانو د حوزې د ولسي جرګې د انتخاباتو وروستۍ پایلې اعلان کړې.
د دغه کمېسیون رئیسې حوا علم نورستانۍ په کابل کې يوې خبري ناستې ته وویل، د دغو ولایتونو د پایلو په تطبیقولو کې له پوره امانتدارۍ او بېطرفۍ کار اخېستل شوی دی.
اغلې نورستانۍ دا شان وویل چې د ولسي جرګې تېر انتخابات له درغلیو او ستونزو څخه ډک وو.
نوموړې زیاته کړه:
"له بدهمرغه تېر انتخابات ښه نهو، ستونزې پهکې زیاتې وې، پراخې درغلۍ پهکې وشوې، شفافیت پهکې نهو او حق حقدار ته نهدی سپارل شوی."
د ویلو ده چې د غور له ولایته؛
- محمد ابراهیم ملکزاده
- عطا محمد دهقانپور
- کرامالدین رضازاده
- ګل زمان نایب
- فاطمه کوهستانی
- رقیه نایل
د بلخ له ولایت څخه؛
- غلام عباس ابراهیمزاده
- احمدشاه رمضان
- رئیس عبدالخالق
- صیفوره نیازۍ
- فوزیه حمیدي
- برښنا ربیع
په ترتیب سره، د دغو ولایتونو د خلکو د استازو په توګه ولسي جرګې ته لاره موندلې ده.
د محمد ابراهیم ملکزاده نوم د غور ولایت په وروستي لېست کې پهداسې حال کې تر سترګو کېږي چې نوموړی څو ورځې مخکې د ورپېښې ناروغۍ له امله ومړ او تر اوسهیې پر ځای بل کس نهدی پېژندل شوی.
مېرمن نورستانۍ وویل چې؛
- محمد مرزا کټوازی
- نادر خان کټوازی
- خالد اسد
- ثریا اکبري
د پکتیکا له ولایته او؛
- حبیبالرحمن پدرام
- محمد رضا وطندوست خویشک
- عمر نسیم مجددي
- حاجې محمد صادق قادري
- غلام فاروق مجروح
- استاد حمیدالله حنیف
- منورشاه بهادري
- حاجي شاه پوپل
- سید عظیم رضايي
- حاجي نذیر احمد حنفي
- الحاج غلام فاروق نظري
- سید طاها صادق
- رحیمه جامي
- مسعوده کروخي
- ناهید احمدي فرید
- سیمین بارکزی
- شهلا غوثي
د هرات له ولایته ولسي جرګې ته بریالي شوي دي.
د انتخاباتو د خپلواک کمېسیون رئیس همدا شان وویل چې؛
- ضیاالدین اکازی
- عبدالبصیر عثماني
- علي شاه نایبزاده
- فریده بېکزاد
له بادغیس او؛ - نرندر سنګهـ خالصه د اهل هنود او سېکهانو له حوزې ولسي جرګې ته بریالي شوي دي.
د ویلو وړ ده چې د دې ولایت په نهايي پایلو کې نوېو څېرو وکالت ته لاره پیدا کړې ده.
په ورته وخت کې د انتخاباتي شکایتونو رئیسې زهره بیان شنیوارې وویل چې د شپږو نورو ولایتونو پایلې هم تر کار لاندې دي او ډېر ژر به د انتخاباتو خپلواک کمېسیون ته واستول شي.
نوموې زیاته کړه:
"د کندهار ولایت او د کوچیانو حوزه تر څېړنو لاندې ده، هلمند تر حقوقي تحلیل لاندې دی او د کندز، پکتیا، میدان وردګ، تخار، بغلان او ننګرهار د کمېشنرانو پرېکړې ته چمتو دی او ډېر ژر به د پاتې مراحلو لپاره د انتخاباتو خپلواک کمېسیون ته ولېږل شي."
د افغانستان د انتخاباتو خپلواک کمېسیون تر دې دمه د ۱۸ ولایتونو وروستۍ انتخاباتي پایلې اعلان کړي او د غور، بلخ، هرات، پکتیکا او بادغیس ولایتونو د وروستیو پایلو له اعلان سرهيې شمېر ۲۳ ولایتونو ته ورسېده، خو د ۱۰ پاتې ولایتونو وروستي پایلې لا نهدي وروستۍ شوي.
راپور: محمد واصل وصال