د ارزګان خلک وایي، د کندهارـ ارزګان پر لویه لار یې پولیس او طالبان دواړه وهي او ډبوي.
دوی شکایت کوي چې د ارزګان او کندهار ترمنځ د لويې لارې په اوږدو کې یې پولیس او طالبان دواړه وهي او ډبوي او سپکې سپورې ورته وایي او غیر قانوني پیسې ورڅخه اخلي.
دوی زیاتوي چې لاره اوس ورته سخته شوې او کله چې تګ راتګ پرې کوي، ځان ژوندی نه احساسوي.
دغه خلک له دولته غواړي چې یاده لاره دې امنیت کې کړي او د یادې لارې پر سر مېشت پولیس دې له دندو لېرې کړي.
په ورته وخت کې د ارزګان امنیتي مسؤلین بیا وايي چې دغه لاره د کندهار په مربوطاتو کې ناامنه ده او د پولیسو له ناوړه چلنده ناخبري ښيي.
په دې اړه نور حال د ازادي راډيو د خبریال شریف الله شرافت په راپور کې د لاندې لېنک په کېکاږلو اورېدای شئ:
