د لاسرسۍ وړ لېنکونه

تازه خبر
شنبه ۳۱ غویی ۱۴۰۱ کابل ۰۱:۲۴

د تهران کسبه کارانو د بیو د لوړوالي له کبله اعتراضونه پیل کړل


د تهران کسبه کارانو د دوشنبې په سهار د بیو د لوړوالي له کبله دکانونه وتړل او اعتراضونه یې پیل کړل.

راپورونه وایي، امنیتي ساتونکو پر دغو اعتراض کوونکو اوښکې بهوونکی ګاز پاشلی دی.

هغه ویډیوګاني چې د ازادي راډیو فردا څانګې ته رسیدلي ښیې چې د ایران د پلازمېنې ډېرې برخې د دوشنبې په ورځ د پراخو اعتراضونو شاهدې وې.

اعتراض کوونکي د بهارستان میدان او د اسلامي شورا د مجلس ودانۍ ته څېرمه سړکونو ته راووتل او شعارونه یې ورکول.

په‎دغو ویډیوګانو کې ښکاري چې امنیتي مؤظفین پر اعتراض کوونکو اوښکې بهوونکی ګاز پاشي.

راپورونه وایي، د ایران په څو نورو ښارونو کې هم ورته اعتراضونه شوي دي.

د تهران یو مارکیټ
د تهران یو مارکیټ

د دوشنبې د ورځې اعتراضونه وروسته له هغه پیل شول چې کسبه کارانو د تهران بازار وتاړه او ورو- ورو د تهران نورو سوداګریزو سیمو ته لکه مولوي، جمهوري او لاله زار ته یې اعتراضونه وغځېدل.

راپورونه وایي، د دوشنبې په ماښام د تهران په مرکز او جنوب کې ډېری سوداګریزې سیمې تړلې وې.

د تهران بازار یو مسؤل وایي، د کسبه کارانو د اعتراض دلیل د اسعارو د بیې لوړوالی او په ګمرکونو کې د اسعارو بې ثباتې او پورته کښته کېدل وو.

هغه زیاتوي له همدې کبله کسبه کاران نه‎شي کولی پریکړه وکړي او خپل مالونه وپلوري.

په تهران کې اعتراض کوونکي
په تهران کې اعتراض کوونکي

د یکشنبې په ورځ د تهران په ازاد بازار کې د اسعارو بیې یوځل بیا تغییر وکړاو د هر ډالر بیه ۹ زره تومان ته ورسېده.

د ایران رسنیو د دوشنبې په ورځ خبر ورکړ چې په‎دغه هېواد کې ډالر په درېیو بېلابېلو بیو تبادله کېده.

راپورونه وایي، اوس مهال په بازارونو کې د اسعارو بیې مشخصې نه‎دي او راکړه ورکړه یې نه کېږي.

XS
SM
MD
LG