طالبانو لوګر کې ښوونځیو ته د پیغلو تګ ناروا اعلان کړ
طالبانو په لوګر کې ښوونځیو ته د پیغلو نجونو تګ ناروا اعلان کړی دی. پردې سربېره طالبان دا هم وایي، په هغو سیمو کې چې په لوګر کې د دوی په ولکه کې دي، د پوهنې وزارت ځیني مضامین یې هم له تعلیمي نصاب نه حذف کړي دي. د ازادي راډیو خبریال نسیم شفق د دې راپور د جوړولو لپاره د ولسمشر غني د زیږيدو ځای ته نېږدې سېمې ته چې طالبان په کې واکمن دي ورغلی دی. ویډیو او ایډیټ: نصرت پارسا