نړۍ
مایک پامپیو د شمالي کوریا له مشر کېم جونګ اون سره کتلي
![](https://gdb.rferl.org/6a2b0076-edfd-4b26-9928-832a70b41bbb_w250_r1_s.jpg)
د رسنیو د راپورونو له مخې د امریکا د بهرنیو چارو وزارت نوماند مایک پامپیو پرون سې شنبه د شمالي کوریا له مشر کېم جونګ اون سره کتلي دي.
واشنګټن پوسټ په دې اړه راپور خپور کړی دی.
په راپور کې راغلي چې مایک پامپیو او کېم جونګ اون د ایستر د اوونۍ د رخصتیو په وروستیو کې په شمالي کوریا کې په پټه سره لیدلي دي.
وروسته روېټرز خبري اژانس هم راپور ورکړی چې یوه امریکايي چارواکي د امریکا د بهرنیو چارو نوماند وزیر مایک پامپیو او د شمالي کوریا د مشر کېم جونګ لیدنه تأیید کړې ده.
ډونالد ټرمپ پرون وویل چې واشنګټن او پیونګ یانګ د لوړپوړو چارواکو په سطحه خبرې کړې دي.
د ورځې تازه خبرونه دلته ولولئ
حزبالله د حماس د مشر وژل کېدو ته غبرګون ښودلی
![د حماس وژل شوی مشر يحيی سنوار](https://gdb.rferl.org/fd640ba1-0a4b-4f11-91a5-98200ad08236_w250_r1_s.jpg)
د حماس د مشر یحيی سنوار له وژل کېدو وروسته سختدریځې حزبالله ډلې ویلي چې، له اسراییل سره په جګړه کې یوې نوې مرحلې ته د داخلېدو په حال کې ده.
د امریکا متحدهایالات د حماس ملاتړې حزبالله یو تروریستي سازمان ګڼي، خو اروپایي ټولنې یې یوازې پوځي څانګه په تور لېست کې شامله کړې ده.
د ایران له ملاتړه برخمنه دا ډله د لبنان په پارلمان کې څوکۍ لري او د دې هېواد د جنوب پر ډېرې برخې کنټرول لري.
د حماس مشر یحيی سنوار پر اسراییل د ۲۰۲۳ کال د اکتوبر د اوومې د حملې طراح بلل کېږي، چې پرون پنجشنبې په غزې تړانګه کې ووژل شو.
د اسراییل د بهرنیو چارو وزیر یسراییل کاتس د هغه وژنه د اسراییل د پوځ لپاره "یوه پوځي او اخلاقي لاستهراوړنه" وبلله.
په ملګروملتونو کې د ایران دایمي استازولۍ نن جمعه وویل، د سنوار له وژل کېدو وروسته به د "مقاومت روحیه پیاوړې شي" او د لبنان حزبالله هم اعلان وکړ چې: “د اسراییل په وړاندې به یوې نوې او پراخې مرحلې ته داخله شي.”
امريکا پر يو روسي او دوو چينايي شرکتونو باندې بنديزونه ولګول
![د امريکا بيرغ](https://gdb.rferl.org/17DCF128-6852-4718-9F72-0EDDC1931361_cx43_cy5_cw56_w250_r1_s.jpg)
د امریکا متحدهایالتونو په دوو چینایي شرکتونو او یوه اړوند روسي شرکت باندې چې له تولید شویو بېپيلوټه الوتکو یې روسیې د اوکراین په جګړه کې کار اخیستی، بندیزونه ولګول.
د امریکا د خزانې وزارت د پنجشنبې په ورځ وویل چې شیامن لیمباخ داسې ماشین تولیدوي، چې د ګارپیا بېپیلوټه الوتکو ته ځواک ورکوي چې لیرې مزل ووهي او د ردلیپس سنژن شرکت هم روسیې ته د یرغلیزو بېپیلوټه الوتکو په ورکولو کې ښکېل دی.
د خزانې وزارت په خبره دا لومړی ځل دی چې متحدهایالات پر چینایي شرکتونو چې له روسي هغو سره په همکارۍ د وسلو بشپړسیسټمونه تولیدوي، بندیزونه لګوي.
تر دې مخکې بندیزونو کې هغه چینایي شرکتونه په نښه شوي چې، د روسیې د پوځي-صنعتي سکتورلپاره یې اساسي پُرزې تولیدولې.
د يحيی سنوار له وژل کېدو سره سم يو ځل بيا غزه کې د اوربند غوښتنې زياتې شوي
![د حماس مشر يحيی سنوار](https://gdb.rferl.org/08a0e183-d963-4960-a382-3a99ccdbec14_w250_r1_s.jpg)
یحیی سنوار چې د سختدریځې حماس ډلې له لوري پر اسراییل د ۲۰۲۳ کال د اوکتوبر په اوومه د برید اصلي طراح بلل کېږي، د غزې په جنوب کې وژل شوی دی.
دا د اسراییل د پوځ لپاره چې له دغه برید وروسته یې د حماس د جرړو د ایستلو لپاره په غزه کې جګړه پیل کړې، یوه ستره بریا ګڼل کېږي.
د سنوار له وژل کېدوسره په غزه کې د جګړې د پای ته رسېدو او د هغو کسانو د خوشې کېدو غوښتې بیا زیاتې شوې چې حماس برمته کړي دي.
د امریکا متحدهایالات او اروپایي ټولنه حماس د یوې ترهګرې ډلې په توګه پېژني.
د اسراییل پوځ پرون پنجشنبې پرخپل ایکسپاڼه یوازې دومره ولیکل چې، یحيی سنوار ووژل شو خو وروسته یې په یوه اوږده بیان کې وویل چې د ۸۲۸ لوا سرتېرو یې درې ترهګر په نښه کړي و او د هغوی د جسدونو له څېړلو وروسته معلومه شوه چې یو یې یحيی سنوار دی.
د نوموړي په وژل کېدو سره د ایران له ملاتړه برخمنه دا ډله په څه کم درې میاشتو کې دوهم ځل دی چې له خپل مشر څخه بېبرخې کېږي.
د امریکا ولسمشر جوبایډن جرمني ته له رسېدو سره سم او د اسراییل له صدراعظم بنیامین نتنیاهو سره له ټیلفوني خبرو وروسته خبریالانو ته وویل، اوس یې وخت دی چې په غزه کې د اوربند لپاره ګام پورته شي.
د سویلي افریقا ښځینه لوبډله د نړیوال جام پایلوبې ته ورسېده
![د ښځو د کرکټ شل اوريز نړيوال جام يو انځور](https://gdb.rferl.org/13a663e4-5795-4c85-a8bb-ebf3fe794854_w250_r1_s.jpg)
د ښځو ترمنځ د کرکټ په شل اوریز نړیوال جام کې د پنجشنبې په ورځ د اکټوبر په ۱۷مه نېټه لومړۍ نیمه پایلوبه د سویلي افریقا او اسټرالیا ترمنځ ترسره شوه چې سویلي افریقا وګټله.
دغه سیالي چې د عربي متحده اماراتو د دوبۍ په لوبغالي کې ترسره شوه، سویلي افریقا یې پچه ګټلې وه او توپ اچونه یې وکړه.
اسټرالیا د ۵ لوبغاړو تر سوځېدو وروسته د ۱۳۵ منډو هدف وټاکه، چې یادې لوبډلې ته بېت موني تر نورو ډېرې ۴۴ منډې وکړې.
سویلي افریقا ته ایوبونګا خاکا دوه لوبغاړې وسوځولې.
د اسټرالیا هدف سویلي افریقا د ۲ لوبغاړو تر سوځېدو وروسته په اتلسم اور کې پوره کړ او پایلوبې ته ووتل.
د سویلي افریقا په توپوهونکو کې انیکي بوش ۷۴ منډې وکړې او غوره لوبغاړې ونومول شوه.
ټاکل شوې ده چې نن جمعه د اکټوبر په ۱۸مه نېټه دویمه نیمه پایلوبه د نیوزیلنډ او ویسټ اینډیز ترمنځ د شارجې په لوبغالي کې ترسره شي.
د ویلو ده چې د دې شل اوریز نړیوال جام پایلوبه به د اکټوبر په ۲۰مه نېټه ترسره شي.
د نایجریا په شمال کې د تېلو ټانکر د چاودنې په نتیجه کې د مړو شمېر ۱۵۳ ته زیات شو
![د پېښې د يو قرباني انځور](https://gdb.rferl.org/73c2de12-6670-4fa2-9df7-826792f0c4b0_w250_r1_s.jpg)
پولیسو پرون ویلي، په پېښه کې شاوخوا ۱۰۰ کسان چې ماشومان هم پهکې شامل دي، ټپیان شوي دي.
د پولیسو ویاند لاوان شیسو اډم ویلي، دغه چاودنه د چهارشنبې په ورځ په ماجیه ښارګوټي کې شوې او د ځینو ټپیانو وضعیت خراب دی.
راپورونه وايي، د ټانکر چلوونکي پر موټر کنټرول له لاسه ورکړی او ټرافیکي پېښه شوې ده.
ویل شوي، له خبرداریو سره-سره ځايي اوسېدونکي د پېښې په ساحه کې راټول شوي وو او هڅه یې کوله له ټانکر بهېدونکي پټرول ټول کړي.
د چهارشنبې په ورځ د پېښې په لومړیو کې د مړو شمېر ۱۴۰ ښوول شوی و.
عراقچي له مصري چارواکو سره سيمه کې د کړکېچ د زياتېدو پر مسئله خبرې کړي
![د ايران د بهرنيو چارو وزير عباس عراقچي](https://gdb.rferl.org/CA49C2A6-095E-4007-8F52-68EA18244852_w250_r1_s.jpg)
د ایران د بهرنیو چارو وزیر له مصري چارواکو سره پرون په سیمه کې د کړکېچ د زیاتېدو پر مسئله خبرې وکړې.
دا له کله چې عباس عراقچي د ایران د بهرنیو چارو وزیر په توګه ټاکل شوی، دا یې قاهرې ته لومړی رسمي سفر و.
عراقچي پرون له خپل مصري سیال بدر عبدالعاطي، د مصر له ولسمشر عبدالفتاح السیسي سره د غزې او لبنان په وړاندې د اسرايیل د زیاتېدونکې شخړې د کمولو پر مسئله تمرکز وکړ.
د مصر ولسمشر په غزه کې د اسرايیل د جګړې د ختمولو غوښتنه وکړه، چې په یوه سیمهییزه شخړه بدله نهشي.
السیسي په لبنان کې هم د زیاتېدونکې شخړې د مخنیوي غوښتنه وکړه او په لوېدیځه غاړه کې یې د سرغړونو د پای رسېدو غږ هم وکړ.
د ایران د بهرنیو چارو وزیر روانه میاشت د سوریې، لبنان، قطر، عمان او عراق له چارواکو سره هم کتلي او تمه کېږي تر مصر وروسته ترکیې ته لاړ شي.
اسراییلو د حزبالله پر مرکزونو بریدونه کړي
![په لبنان کې د اسراییلو د بریدونو له کبله د اوښتو زیانونو یو انځور](https://gdb.rferl.org/f3c477ed-e869-420f-bb94-bcf08bda8d14_w250_r1_s.jpg)
د لبنان په جنوب کې د اسرايیلو لهخوا د لبنان په جنوب کې د سې شنبې په ورځ د اکټوبر ۱۷مه د حزبالله پر مرکزونو بریدونه شوي.
د اسراییلو په دغه بریدونو کې ډېر شمېر ودانۍ ویجاړې شوي او د یوه لبناني ښار ښاروال هم وژل شوی دي.
امریکا، د ایران له ملاتړه برخمن حزبالله ډله د یوه ترهګریز سازمان په توګه پېژني او اروپايي ټولنې د دې ډلې یوازې پوځي څانګه په تور لېست کې اچولې ده.
حزبالله د لبنان د جنوب کې ډېری برخې په واک کې لري او د لبنان په پارلمان کې یې د سیاسي څانګې استازي شتون لري.
هاریس په یوه مرکه کې د ایران پر مسئله تند بحث کړی
![د امریکا د ولسمشر مرستیاله او د راتلونکې میاشتې په ولسمشریزو ټاکنو کې د ډیموکرات ګوند کاندیده کاملا هاریس](https://gdb.rferl.org/11f0fb2f-798b-45b5-8dff-ed3fa8dca19b_w250_r1_s.jpg)
د امریکا د ولسمشر مرستیاله او د راتلونکې میاشتې په ولسمشریزو ټاکنو کې د ډیموکرات ګوند کاندیده کاملا هاریس چې له پخواني ولسمشر او د جمهوري غوښتونکي ګوند له نوماند ډونالډ ټرمپ سره سیالي کوي، د چهارشنبې په ورځ د اکټوبر۱۶مه د فاکس نیوز شبکې له یوه ویاند سره په یوه مرکه کې د ایران په مسئله تند بحث وکړ.
د ښي اړخي فاکس نیوز کوربه بریټ بایر له هاریس سره د مختلفو موضوعاتو په اړه لکه د غیرقانوني کډوالۍ، د بایډن ذهني سلامتي او د هغه پالیسۍ په هکله چې څنګه به د اوسنۍ ادارې سره چې دا یې یوه برخه ده توپیر ولري بحث وکړ.
د دې مرکې تر ټولو تند بحث چې د ایران په هکله هغه مهال رامنځته شو چې دوی د بهرنۍ پالیسۍ په اړه خبرې کولې.
بحث هغه وخت تند شو کله چې بریټ بایر د ایران په اړه د کاملا هاریس ته په یو پوښتنه کې وویل چې تهران د لګول شویو بندیزونو په لرې کېدو سره په ځانګړې توګه د تېلو د خرڅلاو له لارې په میلیاردونو ډالر ګټلی شي.
کامله هاریس په دې اړه مستقیم ځواب ورنهکړ او پر ځای یې د ایران او نړۍ د قدرتونو ترمنځ د ۲۰۱۵م کال له تړون څخه د امریکا د وتلو په اړه د ټرمپ پر پرېکړې تمرکز وکړ.
کرکټ؛ د هندوستان ملي لوبډله یوازې په ۴۶ منډو وسوځېده
![د هند کرکټ لوبډلې لوبغاړي](https://gdb.rferl.org/d2469969-b614-45f5-b571-1b6d3902cf1f_cx0_cy14_cw0_w250_r1_s.jpg)
د هندوستان او نیوزیلنډ د کرکټ ملي لوبډلو ترمنځ د لومړۍ ټېسټ لوبې په لومړۍ پاڼۍ کې هندۍ لوبډله په ۴۶ منډو وسوځېده.
دغه ټېسټ لوبه د هند په کوربهتوب په بنګلور ښار کې پیل شوې چې هندوستان د پچې تر ګټلو وروسته توپوهنه غوره کړه.
یادې لوبډلې ۳۱.۲ اورونه ولوبول، ۴۶ منډې یې وکړې او ټول لوبغاړي یې له لاسه ورکړل.
مخکښ منډه جوړونکی یې رېشب پانټ و چې په ۲۰ منډو وسوځېد.
په دې پاڼۍ کې ویرات کهولي، سرفرازخان، کیل راهول، رویندر جدیجا او روي چندرن اشوېن په صفر وسوځېدل.
د نیوزیلنډ په توپ اچونکو کې مت هنري۵، ویلیم اوروک۴ او ټیم ساوتي یوه ویکټ واخیسته.
دا د لومړۍ ټېسټ لوبې دوهمه ورځ ده، په لومړۍ ورځ د ورښت له امله هېڅ لوبه ونه شوه.
د ویلو ده چې دا د ټېسټ اتلولیو اړوند سیالۍ دي چې دواړه لوبډلې به درې ټېسټ لوبې ترسره کړي.
د ایران د بهرنیو چارو وزیر مصر ته رسېدلی
![د ایران د بهرنیو چارو وزیر عباس عراقچي](https://gdb.rferl.org/09aacde7-8cd1-4160-97c3-dca00051d21c_w250_r1_s.jpg)
د ایران د بهرنیو چارو وزیر عباس عراقچي تېره پرون چهارشنبه مصر ته ورسېد.
دا له شاوخوا دولسو کلونو وروسته مصر ته د ایران د بهرنیو چارو د یوه وزیر لومړنی سفر دی.
وروستی ځل د ایران د هغه وخت د بهرنیو چارو وزیر علي اکبر صالحي افریقا ته د سفر پر مهال د ۲۰۱۳م کال په جنورۍ کې قاهرې ته تللی و.
عراقچي چې دا مهال د څو هېوادونو په سفر بوخت دی، د اردن له سفر وروسته مصر ته ورسېد او هلته یې له خپل سیال ایمن صفادي سره وکتل.
د ایران د بهرنیو چارو وزارت ویاند اسماعیل بقايي وايي، دواړو چارواکو په سیمه کې د پرمختګونو او پر غزې او لبنان د اسراییلو د بریدونو په اړه خبرې وکړې.
عراقچي تېره اوونۍ لبنان، سوریې، سعودي عربستان، عراق او عمان ته سفرونه وکړل چې د کړکېچ د کمولو لپاره هڅې وکړي.
د ایران د بهرنیو چارو وزارت ویلي، عراقچي به له مصر وروسته ترکیې ته هم سفر وکړي.