د هلمند د پرلت غړو د کندز د دشت ارچي ولسوالۍ برید وغانده.
که څه هم د کندز ولایت د دشت ارچي ولسوالۍ پر یوه مدرسه د هوايي برید په ترڅ کې د ملکي تلفاتو شمېر نهدی معلوم، خو د هلمند د پرلت غړي وايي، په روانه جګړه کې تر ټولو ډېر زیان ملکي کسانو ته اوړي، ځکه باید جګړه ودرېږي او سوله وشي.
دوی په یوه خبري ناسته کې د کندز له خلکو غوښتنه وکړه چي د دوی د غږ سره یوځای شي او د سولې د ټنګښت په خاطر خپل اعتراض پورته کړي.
د هلمند د پرلت غړو نږدې دوه اوونۍ وړاندې د سولې وړاندیز وکړ او د یو شمېر ولسواليو په شموليې په مرکز لښکرګاه کې د اعتراض په ډول خیمه ودروله چې د ورځې نه بلې ته د ولایتونو په شمول د هلمند په ولسوالیو کې یاد حرکت په پراخېدو دی.
نور حال د محمد الیاس داعي په راپور کې واورئ:
