د سوریې د حکومت د مخالفو ملېشو یوه ډله چې په محاصره کې دي، له ختیځې غوطې په وتلو موافقه کړې ده.
د سوریې په ختیځه غوطه کې د فیلقالرحمن ډلې سختدریځو دوما سیمه پرېښوده.
دوی په هغو بسونو کې سپاره شول او له سیمې ووتل چې له حکومت سره د موافقې پر اساس ورته تیار شوي وو.
د سوریې د بشري حقونو د څار اداره وایي، شااوخوا ۱۳۰۰ جنګیالي او ملکیان د موافقې پر اساس د ختیځې غوطې له دوما سیمې ایستل کېږي.
دوما په ۲۰۱۱ میلادي کال کې د بشار الاسد د رژیم پر ضد د پاڅونو له زړو سیمو یوه ده چې اوس ترې سختدریځې د موافقې پر اساس وځي.
د سوریې رژیم په دوما ښار کې په روغتونونو او هستوګنو سیمو کې د وخت پاڅونونه په بمباریو ځواب کړل او لارې یې وروتړلې، څو مرستې ورونهرسېږي.
پهدې سیمه کې د اسلامي اردو په نوم د یوې ډلې اصلي مرکز و چې ډېر وختیې د حکومت پر ضد کلک مقاومت وکړ.
د سوریې په پوځ پورې یوې تړلې خبري اژانس پرون یکشنبه ناوخته راپور ورکړ چې د اسلامي اردو په نوم ډلې موافقه کړې چې د سوریې شمال ته ولاړه شي.
د سوریې په شمال کې د دې سیمې کنټرول د مخالفینو او ترکیې په لاس کې دی.
له غوطې د ملېشو او د هغوی د کورنیو د ایستلو موافقه لاسلیک شوې
له دوما سیمې د سختدریځو په وتلو سره دا سیمه رسماً د دمشق په کنټرول کې راځي.
که دا موافقه چې د سوریې دولتي رسنیو او د بشري حقونو څارونکو ډلو یې په اړه راپور ورکړی سم وي، په ختیځې غوطې د سوریې د رژيم د څو اوونیو سختو بمباریو او فشارونو نتیجه ده.
اخوا په بریتانیا کې مېشته د سوریې د بشري حقونو څارونکې ډلې پرون یکشنبه سهار راپور ورکړی چې د روسیې پوځي پولیس به د دوما ښار د نظارت لپاره مؤظف شي.
سوري ملېشو تر اوسه پهدې اړه کومه تبصره نهده کړې.
راپور: صفيالله ستانکزی