د لاسرسي لېنکونه

شنبه ۲۷ زمری ۱۳۹۷ کابل ۱۰:۳۴

چارواکي: په ارزګان کې ۵ وسله‌وال په یوه هوایي برید کې وژل شوي


د ارزګان ولایت امنیتي چارواکي وايي، تېره ورځ د مرکز ترینکوټ په یوه سیمه کې افغان هوایي ځواکونو د وسله‌والو طالبانو پنځه غړي په هوايي بریدونو کې وژلي دي.

د ارزګان د امنیه قومندانۍ د امنیت امر عبدالقوي عمري نن دوشنبه ازادي راډیو ته وویل، بریدونه د ترینکوټ اړوند د خانکي په سیمه کې شوي دي.

هغه وویل چې طالبانو ته د تلفاتو په ور اړولو سربېره، دوه هاموې ټانکونه او یو رنجر موټر چې د طالبانو له‌خوا له چاودېدونکو موادو ډک شوي وو، هم له‌منځه یوړل شول.

وسله‌والو طالبانو تر اوسه په دې اړه څه نه‌دي ویلي.

XS
SM
MD
LG