د ارزګان ولایت مدني فعالانو د یوه اعراضیه حرکت پرمهال له دولت څخه د ارزګان ـ کندهار د لوې لارې د رغولو غوښتنه وکړه.
دغه مدني فعالان چې د شنبې په ورځ له ترینکوټ ښار څخه د ارزګان ـ کندهار لارې ته تللي و ویل که دولت د دغه لارې جوړولو ته پام ونه کړي، په ترینکوټ ښار کې به د تحصن خېمې ووهي.
په ورته وخت کې د ارزګان والي محمد نذیر خروټی هم پر دغه لار ستونزې مني، خو داسې ښکاري چې رغول يې تر توان پورته خبره ده خو وايي چې خپلې هڅې کوي.
به دې اړه د ازادي راډيو د خبریال شریف الله شرافت راپور واورئ:
