د لاسرسي لېنکونه

شنبه ۲۵ لیندۍ ۱۳۹۶ کابل ۰۰:۲۴

د قرغزستان د صدراعظم مرستیال په ترافیکي پېښه کې مړ شو


د قرغزستان د صدراعظم مرستیال نن د یوې ترافیکي پیښې له امله ساه ورکړه.

اته دیرش کلن تامیر جمعه قادروف نن په مرکز بیشکک کې د ترافیکي پېښې له امله له اخیستو ټپونو په روغتون کې ساه ورکړه.

د قادروف موتر له یوې کاماز لارۍ سره ټکر شو، په دې پېښه کې د صدراعظم د مرستیال سلاکار او موټر چلونکي هم ژوند له لاسه ورکړی دی.

قادروف ته د قرغزستان صدراعظم د اکتوبر د پنځلسم نېټې د ولسمشرۍ د انتخاباتو د څارنې واک سپارلی و.

ده غوښتل چې نن د قرغزستان په شمال لوېدیځ کې د تالاس سیمې ته ولاړ شي او هلته یو انتخاباتي مرکز وګوري، خو پر لویه لار یې موتر ټکر شو.

XS
SM
MD
LG