د لاسرسي لېنکونه

دوشنبه ۱ لړم ۱۳۹۶ کابل ۰۱:۳۲

روسیه: سوریه کې د النصره جبهې له ۷۰ تنو زیات وسله‌وال وژل شوي


د روسیې د دفاع وزارت وايي، په سوریه کې د روسیې د جنګي الوتکو په بمباریو کې د النصره جبهې د ۱۲ قوماندانانو په ګډون، د دې ډلې له ۷۰ تنو زیات وسله‌وال وژل شوي دي.

د روسیې د دفاع وزارت ویاند ایګور کوناشينکوف وايي، په دې هوايي بمباریو کې د النصره جبهې د رهبر د ټپي کېدو خبر هم ورکړل شوی دی.

د نوموړي په وینا، روسي الوتکو هغه مهال هوايي بریدونه ترسره کړل چې د النصره جبهې د مشرانو د یوې غونډې د ځای په اړه‌یې معلومات ترلاسه کړل.

د روسیې د دفاع وزارت د ویاند په خبره، په دې ملاقات کې د النصره جبهې مشر ابو محمد القولاني سخت ټپي شوی دی.

ایګور کوناشینکوف زیاته کړې چې دوی ته د رسېدلو معلوماتو له مخې، د ابو محمد القولاني یو لاس پرې شوی او په ناوړه روغتیايي حالت کې دی.

XS
SM
MD
LG