د لاسرسي لېنکونه

دوشنبه ۲۰ لیندۍ ۱۳۹۶ کابل ۰۸:۳۶

ټرمپ د پورټوریکو ټاپو اوسېدونکو ته د واشنګټن د ملاتړ ډاډ ورکړی


د امریکا ولسمشر ډونالد ټرمپ د سې شنبې په ورځ پورټوریکو ټاپو ته ورسېد، څو د امریکا د دې سیمې خلکو ته د واشنګټن د ملاتړ ډاډ ورکړي.

په دې سفر کې له ولسمشر ټرمپ سره د نوموړي مېرمن ملانیا ټرمپ هم ملګرې ده.

ولسمشر ټرمپ پرون سې شنبه د پورټوریکو د والي او ښاروال په ګډون د دې ښار له چارواکو سره وکتل.

پورټوریکو د سپټمبر په ۲۰مه ماریا نومي توپان وځپله.

دې توپان په دې ټاپو کې چې څه کم ۳ نیم میلیونه نفوس لري، ۱۶ کسان ووژل او زرګونه کسان‌یې بې‌کوره کړل.

د پورټوریکو د ټاپو خلک د امریکا وګړي بلل کېږي، خو د رأی ورکولو حق نه‌لري.

دا ټاپو د امریکا د خاورې برخه ده، خو د دې هېواد یو ایالت نه‌دی.

XS
SM
MD
LG