د امریکا د متحدو ایالاتو ولسمشر ډونالدټرمپ د هغه هېواد فاع وزیر، جېمز متېس ته صلاحیت ورکړی چې په افغانستان کې د امریکايي عسکرو د شمېرپه اړه پرېکړه وکړي.
په واشنګټن کې یوې سرچینې د هویت د پټ پاتې کېدو په شرط، اسوشیټېد پرېس خبري اژانس ته ویلي چې ولسمشر ټرمپ د سناتورانو تر انتقادونو څو ساعته وروسته د دفاع وزیر جېمز متېس ته دا صلاحیت ورکړ چې خبر یې رسماً لا نهدی اعلان شوی.
د امریکا د سنا یو شمېر غړو پرون سې شنبه پر دفاع وزارت کلکه نیوکه وکړه چې ولې نهدي توانيدلي چې د افغانستان د جګړې په اړه نوې کړنلاره چې هلته د امریکايي عسکرو شمېر هم پهکې شاملېږي، جوړه کړي.
د امریکا د نوي ولسمشر ډونالد ټرمپ حکومت د افغانستان لپاره د یوې نوې کړنلارې پر جوړولو لګیا دی چې هغه هېواد ته د سلګونو اضافي عسکرو د استولو امکان هم پهکې شاملېږي.
یوه امریکايي چارواکي چې د هویت د پټ پاتې کېدو په شرط یې خبرې کولې، څرګنده کړه چې د ولسمشر ټرمپ دا کار به دفاع وزیر جېمز متېس ته د دې توان ورکړي چې ډېر ژر په افغانستان کې د امریکايي عسکرو شمېر وټاکي.
د سې شنبې په ورځ د امریکا جمهوري غوښتونکي سناتور جان مککېن غوښتنه وکړه چې دفاع وزیر جېمز متېس د افغانستان د جګړې لپاره خپل پلان بشپړ کړي او خبرداری یې ورکړ چې که دفاع وزارت کړنلاره جوړه نهکړي، د سنا له لوري به اقدام وشي.
سناتور مککېن وویل چې د جمهور رئیس ډونالډ ټرمپ د حکومت په لومړیو دوو میاشتو کې یې تمه درلوده چې د افغانستان د جګړې په اړه نوې کړنلاره بشپړه او اعلان شي.
په ځواب کې د امریکا دفاع وزیر جېمز متېس د سنا د وسله والو خدمتونو کمېټې ته وویل چې پر ستراتیژي کار روان دی او پر دې هم فکر شوی چې په کړنلاره کې د ځنډ له امله پرکارونو منفي اغېز ونهشي.
متېس پهدې اړه نور جزئیات څرګند نه کړل.
د امریکا متحد ایالات اوسمهال په افغانستان کې ۸۴۰۰ عسکر لري.
د امریکا دفاع وزیر جېمز متېس تائید کړې چې په افغانستان کې وضعیت نازک دی او د هغه په وینا "دښمن د غوړېدو په حال کې دی."
جېمز متېس د سنا د وسلهوالو خدماتو کمېټې ته وویل:
"موږ په افغانستان کې د بري په حال کې نه یو خو موږ به دا حالت چې د امکان ترحده ژر بدل کړو."
د روان کال په پېل کې د امریکا دفاع وزارت افغانستان ته د تقریباً ۳۰۰۰ عسکرو د استولو پر پلان غور کول چې د هغه هېواد د امنیتي ځواکونو د روزنې او ملاتړ پروګرامونه پرمخ بوزي. خو وروسته، دا مسئله وځنډول شوه او د ناټو له نورو غړو هم د عسکرو غوښتنه وشوه.
پهدې اړه چې افغانستان به د یوه کال په موده کې څرنګه وي، متېس پرون د سنا د پوځي خدماتو کمېټې ته وویل چې تشدد به کم وي، په حکومت دارۍ کې فساد به کم وي او د وسلهوالو طالبانو ټغربه تر ډېره حده ور نغښتی وي.