څو شېبې وړاندې د کابل ښار په سرای شمالي سیمه کې چاودنې شوي دي.
د کورنیو چارو وزارت ویاند نجیب دانش ازادي راډيو سره خبرو کې تائید کړه چې په سیمه کې د مارشال محمد قسیم فهم په تفه کې چاودنې شوي خو د تلفاتو په اړه يې معلومات ورنه کړل.
نوموړي زیاته کړه چې سیمې ته د دوی تحقیقاتي پلاوی تللی دی.
راپورنه وايي چې دغه چاودنې د مشرانو جرګې د لومړی مرستیال محمد علم ایزدیار د زوی په د جنازې په مراسمو کې شوي دي.
ویل کېږي چې په دغه چاودونو کې ۱۸ تنه وژل شوي او ۱۲ تنه ټپیان شوي دي.
بلخوا د افغانستان د عامې روغتیا وزارت ویاند وحید مجروح ازادي راډيو ته وویل چې دوی ته د پېښې له ځایه څلور مړي ور وړل شوي دي.
نوموړي د ټپيانو په اړه ناخبري وښوده.
نا تائید شوي راپورونه وايي چې په دغه چاودنو کې د کابل پوهنتون رئیس حمیدالله فاروقي او پخوانی جهادي قوماندان جنرال جرأت هم ټپیان شوي دي.
تر دامهاله دغه ارقام خپلواکو سرچینو نه دي تائید کړي.
د کابل امنیه قوماندان حسن شاه فروغ هم ازادي راډيو سره خبرو کې چاودنه تائید کړه خو نور جزئیات یې ورنه کړل.
تر دامهاله د چاودنې هدف او تلفات او نه هم د چاودنې نوعیت معلوم دی.
وسله والو طالبانو په دغه چاودنو کې خپل لاسرل رد کړل او ویلي یې دي چې دغه چاودنې په دوی پوري اړه نه لري.
په دې اړه نور جزئیات وروسته
د افغانستان د عامې روغتیا وزارت وايي چې د مشرانو جرګې د لومړي مرستیال محمد علم ایزدیار د وزی سالم ایزدیار د جنازې لمونځ په مراسمو کې چاودنو شپږ تنه وژلي او ۸۷تنه یې ټپیان کړي دي.
د عامې روغتیا وزارت ویاند وحید مجروح ازادي راډيو ته وویل چې تر دامهاله په غه چاودنو کې ددولتي چارواکو مرګ ژوبله نشي تائیدولای.
له بل لوري د افغانستان د کورنیو چارو وزارت د ویاندی د دفتر سرپرست نجیب دانش فرانس پرېس اژانس ته ویلي چې په دغه چاودنو کې لس تنه وژل شوي دي.
دغه چاودنې چې ویل کېږي درې چاودنې وې نن شنبې تر ماسپښین وروسته درې نیمې بجې په سرای شمالي سیمه کې رامنځته شوي دي.
د افغانستان د مشرانو جرګې د وهم مرستیال محمد اصف صدیقي ازادي راډيو ته وویل چې دغه چاودنې انتحاري حملې وې چې شااوخوا پنځوس تنه پکې مړه او ټپيان شوي دي.
په دغه مراسمو کې د افغان حکومت اجرائیه رئیس عبدالله عبدالله د مشرانو جرګې رئیس فضل الهادي مسلمیار او د ملي شورا یو شمېر غړو او یو شمېر نورو چارواکو هم ګډون کړی و.
د اجرائيه ریاست د یاند مرستیال جاوید فیصل پر خپله فیس بوک پاڼه لیکلي چې په دغه چاودنه کې عبدالله عبدالله ته زیان نه دی رسېدلی.
خو دا چې په دغه چاودنه کې څو مره کسان مړه او ټپیان شوي دي په دې اړه څه نه دي ویلي.
طالبانو په دغه چاودنو کې خپل لاسرل ردکړي دي.
تر دامهاله کومې بلې وسله والې ډلې د دې چاودنو مسؤلیت په غاړه نه دی اخیستی.
د افغانستان ملي یووالي حکومت اجرائیه رئیس عبدالله عبدالله روغ او خوندي دی. هغه ته نن له غرمې وروسته د جنازې په مراسمو کې د چاودنې له امله زیان نهدی رسېدلی.
جمهور رئیس د جنازې پر مهال پر وير کوونکو بېرحمانه بريد په کلکو ټکو وغانده او ویېویل چې هېواد تر سخت بريد لاندې دی، ټول ولس باید یو موټی شو.