مستند: کابل کې د هیروینو او چرسو ځای ځایګی معلوم شو
د ازادي راډیو د یوه تحقیق له مخې د پلازمینې په ځینو سیمو کې په علني توګه د نشهيي توکي پیر او پلورل کېږي. زموږ خبریال واصل وصال په یوه تحقیقي مستند کې ځیني هغه مرکزونه موندلي چې هیروئین او چرس په کې پیر او پلورل کېږي. په دغه مستند کې یو روږدی د سید رحمان په مستعار نامه د نشهيي توکو له ځینو مرکزونو پوډر او هیرون پیرلي دي. نوموړی ادعا کوي چې په ځینو مواردو کې په خپله امنیتي مامورین د نشهيي توکو له کارو باریانو سره لاس لري. د اوومې حوزې اړوند واصل اباد ، اتمې حوزې اړوند د طلايي ښارګوټي شاته، بابر بڼ ته نېږدې ګذرګاه او د نادرخان تپه هغه سیمې دي چې د نشهیي توکو پهکې په علني ډول پیر او پلورل کېږي. په دغه مستند کې به وګورئ چې نشهیي توکو څنګه او د چا له لوري پیر او پلورل کېږي؟او همدا راز دا به هم وګورئ د نشهیي توکو کاروباریان ان له ماشومانو هم ګټه اخلي. د نشهيي توکو پر ضد د مبارزې وزارت که څه هم دا مني چې ګواکې ځیني امنیتي مامورین د نشهيي توکو له کاروباریانو سره لاس لري خو دا چې له امنیتي حوزو څخه د څارنه په برخه کې به څه وکړي ؟ د پولیسو اقدامات به په دې برخه کې څه وي ؟ په اړه یې جزئیات په دغه مستند کې لیدلای او اوریدلای شئ. چمتو کوونکی: واصل وصال ویډیو: ولي سباوون او ابراهیم صافی