م.م: افغانستان کې ۳۲۳۰۰۰ کسان بې ځایه شوي
ملګرو ملتونو افغانستان کې د جګړو په نتیجه کې د بې ځایه شویو د شمېر په زیاتېدو چې عمده برخه یې ماشومان جوړوي، اندیښنه څرګنده کړې ده. د بشري حقونو برخه کې د ملګرو ملتونو ځانګړي راپورټر د پنجشنبې په ورځ په یوه خبري کنفرانس کې وویل چې یوازې د ۲۰۱۶ میلادي کال په لسو میاشتو کې په افغانستان کې څه باندې درې لکه او درویشت زره کسان بې ځایه شوي چې ۵۶ سلنه یې ماشومان دي. وېډیو او اېډېټ: ولي سباوون