د افغانستان د کرکټ ملی لوبډله نن د شل اوریزو سیالیو په نړیوال جام کې له ویسټ انډیز سره لوبیږي.
دا د افغانستاڼ لوبډلې د جوړیدو راهیسې لومړی ځل دی چې له ویسټ انډیز سره مخ کیږي او لوبغاړي وايي چې ویسټ انډیزیان دې لوبې ته د خورا اهمیت په نظر ګوري.
د افغانستان د توپ وهنې د پیل تیز لوبغاړی شهزاد محمدي وايي چې لوبې ته د دوی د تیاریدو تر څنګ ویسټ انډیز هڅه کوي چې په سیالیو کې مسلسل څلورمه بریا خپله کړي او افغان لوبغاړو ته په پیاوړی نظر ګوري.
له ښاغلی محمدي سره د هندوستان په ناګپور ښار کې زموږ همکار یوسف ځدراڼ مرکه کړې او په پیل کې یې له ده نه د نننی لوبې په اړه پوښتلي دي.
