ایران د سیمي او د نړۍ له هېوادونو سره د اړیکو د پیاوړي کیدو د هڅو په ترڅ کې له هند سره هم د سوداګرۍ او اقتصادي اړیکي پیاوړي کوي.
په پام کې ده چې؛ د ایران د بهرنیو چارو وزیر د یوه پلاوي په مشرۍ روانه اونۍ نوي ډیلي ته لاړ شي.
د ایران د بهرنیو چارو وزیر به د روانې اونۍ په پای کې هند ته لاړ شي. تهران هڅه کوي چې له نوي ډیلي سره د اړیکو یو نوی باب پرانیزي.
د ایران د ایرنا رسمي خبری اژانس د راپور له مخې جواد ظریف به د یوه جګ پوړی پلاوی په مشرۍ په دوه ورځني سفرهند ته لاړشي او د دې هېواد له لوړپوړو چارواکو سره د اړیکو د پیاوړي کیدو پرلاروچارو به خبرې وکړي.
فرانسپرېس خبري اژانس د یوې ډیپلوماتیکې سرچینې په حواله چې هویت یې نه دی په ډاګه شوی، وایي، دغه سفر به د دې لپاره یو فرصت وي چې د دوه اړخیزو اړیکو یو نوی باب پرانیستل شي.
له هندي چارواکو سره د ایران د بهرنیو چارو د وزیر په مشرۍ د هیت خبرې به د افغانستان د مسالې، د تشدد او تروریزم په وړاندې د مبارزې په ګډون د سیمې او نړۍ او هم له هند سره د سوداګرۍ او اقتصادي اړیکو د پراختیا پر موضوعاتو خبرې وکړي.
د راپور له مخې بله موضوع چې دواړه خواوې به پرې خبرې کوي هغه هند ته چې د انرژۍ وږی او په نړۍ کې د تیلو څلورم سترواردونکی دی، د ایران د اومه تیلو صادرات وي.
هند له ۲۰۱۲ کال وروسته چې لویدیدځ د تهران د اټومي پروګرام په خاطر پر ایران سخت اقتصادي بندیزونه لګولي، له دې هېواده په وارداتو کې ډیر کموالی راوستی دی.
نوی ډیلی له ایرانه د ورځې نژدې دوه سوه زره بیرله تیل واردوي.
پر ایران لګول شویو بندیزونو دغه راز له دې هیواد سره مالي معاملې هم محدودی کړي چې دې کار د تیلو د پلورلو له پلوه له هنده ایران ته د ډالرو لیږد هم له ستونزو سره مخامخ کړی دی.
د ایراني رسنیو د راپورونو له مخې هند له ایرانه د تیلو د رانیولو له پلوه د تهران نژدې پنځه ملیارډ او درې سوه میلیون ډالره پوروړی دی.
د ایران د بهرنیو چارو وزیر په داسې وخت کې هند ته ځي چې ایران او د نړۍ قدرتونو تیره اونۍ د یوې دایمې موافقې د حاصلولو لپاره د خبرو پر چوکاټ او وخت موافقه وکړه.
که دغسې یوه موافقه ترلاسه شي، هغه به د ایران د اټومي پروګرام پرسرد لویدیځ اندیښنې لیرې کړي او هم به پرایران د لګول شویو بندیزونو لیرې کیدو ته لاره پرانیزي.
د نړۍ له شپږو قدرتونو سره د تیرې نومبرد میاشتې د موقتې موافقې له مخې ایران منلې چې د یورانیمو د پروګرام ځینې برخې د شپږو میاشتو لپاره بندې کړي چې په بدل کې یې هم پردې هیواد د نړیوالې ټولنې بندیزونه نرم شوي دي.
په وروستیو میاشتو کې د ایران د ولسمشرحسن روحاني حکومت د بهرنۍ پانګونې د جلبولو لپاره هڅې تیزې کړي او هم یې په اسیا او اروپا کې له خپلو متحدینو سره پراقتصادي اړیکو غورپیل کړی دی.
په پام کې ده چې؛ د ایران د بهرنیو چارو وزیر د یوه پلاوي په مشرۍ روانه اونۍ نوي ډیلي ته لاړ شي.
د ایران د بهرنیو چارو وزیر به د روانې اونۍ په پای کې هند ته لاړ شي. تهران هڅه کوي چې له نوي ډیلي سره د اړیکو یو نوی باب پرانیزي.
د ایران د ایرنا رسمي خبری اژانس د راپور له مخې جواد ظریف به د یوه جګ پوړی پلاوی په مشرۍ په دوه ورځني سفرهند ته لاړشي او د دې هېواد له لوړپوړو چارواکو سره د اړیکو د پیاوړي کیدو پرلاروچارو به خبرې وکړي.
فرانسپرېس خبري اژانس د یوې ډیپلوماتیکې سرچینې په حواله چې هویت یې نه دی په ډاګه شوی، وایي، دغه سفر به د دې لپاره یو فرصت وي چې د دوه اړخیزو اړیکو یو نوی باب پرانیستل شي.
له هندي چارواکو سره د ایران د بهرنیو چارو د وزیر په مشرۍ د هیت خبرې به د افغانستان د مسالې، د تشدد او تروریزم په وړاندې د مبارزې په ګډون د سیمې او نړۍ او هم له هند سره د سوداګرۍ او اقتصادي اړیکو د پراختیا پر موضوعاتو خبرې وکړي.
د راپور له مخې بله موضوع چې دواړه خواوې به پرې خبرې کوي هغه هند ته چې د انرژۍ وږی او په نړۍ کې د تیلو څلورم سترواردونکی دی، د ایران د اومه تیلو صادرات وي.
هند له ۲۰۱۲ کال وروسته چې لویدیدځ د تهران د اټومي پروګرام په خاطر پر ایران سخت اقتصادي بندیزونه لګولي، له دې هېواده په وارداتو کې ډیر کموالی راوستی دی.
نوی ډیلی له ایرانه د ورځې نژدې دوه سوه زره بیرله تیل واردوي.
پر ایران لګول شویو بندیزونو دغه راز له دې هیواد سره مالي معاملې هم محدودی کړي چې دې کار د تیلو د پلورلو له پلوه له هنده ایران ته د ډالرو لیږد هم له ستونزو سره مخامخ کړی دی.
د ایراني رسنیو د راپورونو له مخې هند له ایرانه د تیلو د رانیولو له پلوه د تهران نژدې پنځه ملیارډ او درې سوه میلیون ډالره پوروړی دی.
د ایران د بهرنیو چارو وزیر په داسې وخت کې هند ته ځي چې ایران او د نړۍ قدرتونو تیره اونۍ د یوې دایمې موافقې د حاصلولو لپاره د خبرو پر چوکاټ او وخت موافقه وکړه.
که دغسې یوه موافقه ترلاسه شي، هغه به د ایران د اټومي پروګرام پرسرد لویدیځ اندیښنې لیرې کړي او هم به پرایران د لګول شویو بندیزونو لیرې کیدو ته لاره پرانیزي.
د نړۍ له شپږو قدرتونو سره د تیرې نومبرد میاشتې د موقتې موافقې له مخې ایران منلې چې د یورانیمو د پروګرام ځینې برخې د شپږو میاشتو لپاره بندې کړي چې په بدل کې یې هم پردې هیواد د نړیوالې ټولنې بندیزونه نرم شوي دي.
په وروستیو میاشتو کې د ایران د ولسمشرحسن روحاني حکومت د بهرنۍ پانګونې د جلبولو لپاره هڅې تیزې کړي او هم یې په اسیا او اروپا کې له خپلو متحدینو سره پراقتصادي اړیکو غورپیل کړی دی.