افغان ولسمشر حامد کرزي پر وسله والو طالبانو یو ځل بیا ږغ وکړ، چې نور دې د افغانانو په ځانګړي ډول د ځوانان د مرګ ژوبلې نه سبب کېږي.
ښاغلي کرزي په ارګ کې د لوی اختر تر لمانځه وروسته چې لوړپوړي حکومتي چارواکي یې هم په څنګ کې ولاړ وو- دا غوښتنه وکړه.
افغان ولسمشر د ولسمشرۍ او ولایتي شوراګانو انتخاباتو ته هم اشاره وکړه، چې د ده په خبره دا انتخابات به په افغانستان کې د ډیموکراسۍ او پرمختګ لپاره مهم ګام وي.
د ازادۍ راډیو خبریال معصوم میوند له کابله راپور لري.
