حاجي عادل ۵۵ کاله کیږي چې شکسته بندي کوي
په اوسني وخت کې لا هم ډېری افغانان دودیز دارو درمل کاروي؛ چې یو یې شکسته بندي ده. د کابل ښار په "کاه فروشي" کوڅه کې د حاجي عادل په نامه یو شکسته بند، ۵۵ کاله کيږي دلته کار کوي او د ده په وینا د خلکو خدمت کوي. حاجي عادل وايي، هغه ناروغان چې د ډاکټر له درملنې څخه ډاډمن نه وي؛ ده ته راځي. خو یو شمېر اوسني ډاکټران بیا خلکو ته دا سپارښتنه کوي، چې د هډوکو اوښتو او یا ماتېدو په صورت کې باید ناروغ روغتون ته مراجعه وکړي؛ نه شکسته بند ته. د ازادي راډیو خبریال ابراهیم صافی "کاه فروشي" کوڅې ته تللی او دا لنډ ویډیويي راپور یې چمتو کړی دی.
