نن سهار شاوخوا څلور نیمې بجې یوه ډله وسله وال حمله کونکي د کابل نړېوال هوایې ډګر شمال ته یوې نیمه کاره ودانۍ ته ننوتل او له هغې سیمې یې پر هوایې ډګر حملې وکړې.
د کابل د امنیه قومندانۍ مرستیال داوود امین ازادي راډيو ته وویل چې، ټول حمله کوونکي ترڅلور ساعته مقاومت وروسته له منځه ولاړل.
د کابل امنیه قومندان جنرال ایوب سالنګي بیا په سیمه کې د ازادي راډیو خبریال ته وویل، چې د وسله والو شمیر اووه کسه وه چې ټول یې وژل شوي دي.
خو د نوموړي په وینا افغان ځواکونو او ملکیانو ته تلفات ندي اوښتي.
اخوا طالب ویاند ذبیح الله مجاهد رسنیو ته وویل چې د حملې هدف هوایې ډګر سره د امریکایانو یو مرکز وو. دی ادعا کوي چې په دې حملې کې یې ګڼ بهرني عسکر وژلي دي.