د لاسرسۍ وړ لېنکونه

تازه خبر
دوشنبه ۵ کب ۱۳۹۸ کابل ۰۰:۰۸

ایران: د بوشهر اټمي بټۍ بچ ده


ایراني چارواکې وایي، د بوشهر اټمي تاسیساتو ته د ریختر په مقیاس د ۶ اعشاریه درې درجو زلزلې له امله زیان نه دی اوښتی.

چارواکي وایي، د سې شنبې د ورځې په زلزلې کې چې د دشتې سېمې د استوګنې کورونه یي ویجاړ کړل، لږ تر لږه ۳۷ کسان مړه او شاوخوا ۸۵۰ نور ټپیان شوي دي.

د بوشهر والي فریدون حسن وند وایي، د روسیې په مرسته جوړو شوېو اټمي تاسیساتو ته زیان نه دی رسیدلی.

د روسیې اتومو سترویو ایکسپورت کمپنۍ هم ویلي، چې د بوشهر اټمي تاسیساتو ته د زلزلې له امله زیان نه دی اوښتی.

د ملګرو ملتونو د اټمي انرژۍ د څارنې موسسه هم وایي، چې ایران دوي ته ویلې، اټمې تاسیساتو ته کوم زیان نه دی رسیدلی او د راډیو اکټیف غازونو د خپریدو خطر یي نشته.
XS
SM
MD
LG