د لاسرسي لېنکونه

تازه خبر
چهارشنبه ۲۹ لړم ۱۳۹۸ کابل ۰۰:۳۲

"د ایران د اټمي لانجې د حل لپاره هڅې به ترنامعلوم وخت پورې دوام ونه کړي"


د امریکا د بهرنیو چارو وزیر وايي، د ایران د اټمي لانجې د دیپلوماتیک حل لپاره روانې هڅې به ترنامعلوم وخت پورې دوام ونه کړي.

جان کري چې د خلیج له عربي هېوادونو څخه په کتنه بوخت دی، پرون د سعودي عربستان په مرکز ریاض کې وویل، که چیرته ایران د خپلې اټمي لانجې په اړه جدي خبرو اترو ته چمتو وي نو په هغې صورت کې بیا د دې شخړې د حل لپاره کافي وخت موجود دی:

"په اوس وخت کې زموږ لومړنۍ او بیړنۍ تمرکز د ایران د اټمي پروګرام پر سر دی .

دا ټولې سیمې او په حقیقت کې ټولې نړۍ ته د اټمي وسلو د خپریدو د مخنیوي په ارتباط یو ګواښ دی.

نو په همدې خاطر لومړنۍ تمرکز مو پر همدې دی.له ایران سره د خبرو دوام به یوازې د خبرو لپاره نه وي."


په همدې حال کې د اټمي انرژۍ د نړېوالې ادارې مشر یوکیا امانو هم پر ایران غږ کړی، چې په قصدي ډول د خپل اټمي پروګرام په اړه خبرې اترې نه اوږدوي.

نوموړي ویلي، خبرې اترې باید نتیجه ولري ځکه چې وخت هم مهم دی.

د ایران او د نړۍ د ۶ قوتونو ترمنځ تیره اونۍ په قزاقستان کې د تهران د اټومي پروګرام په اړه دوه ورځنۍ خبرې پای ته ورسیدې.

د اټومي انرژۍ نړېوالې ادارې پرون وویل، ایران باید د دې شکونو د لیرې کولو لپاره ګام واخلي، چې ویل کیږي دا هېواد د اټمي وسلو د جوړولو په لټه کې دی.

ایران ټینګار کوي، چې اټمي پروګرام يې سوله ییز دی او پر دې هېواد له دې امله لګول شوي بندیزونه یوازې د ایران عام وګړي زیانمنوي.
XS
SM
MD
LG