د لاسرسي لېنکونه

چهارشنبه ۲۶ چنګاښ ۱۳۹۸ کابل ۰۴:۵۴

د پاکستان نوی صدراعظم مخدوم شهاب الدین ونومول شو


مخدوم شهاب الدین
د پاکستان ولسمشر اصف علي زرداري وروسته له دې چې د دغه هېواد سترې محکمې یوسف رضا ګیلاني له صدراته لېري کړ، مخدوم شهاب الدین د نوي صدراعظم په توګه ونوماوه.

مخدوم شهاب الدین، چې په اوسنۍ کابینه کې د نساجي صنعت وزیر دی، د پیپلزګوند پخوانی او کلک غړی پاتې شوی دی.

د پاکستان د پارلمان ملي جرګه به، چې پیپلز ګوند پکې اکثریت لري، د جمعې په ورځ ځانګړې غونډه جوړه کړي څو مخدوم شهاب الدین ته رایه ورکړي.

د پاکستان سترې محکمې د سې شنبې په ورځ ګیلاني سلب صلاحیت کړ.
XS
SM
MD
LG