وروسته له دې چې امریکا پر ایران باندې د بندیزونو په لړۍ کې د ایران پر مرکزي بانک باندی هم بندیزونه ولګول، ښکاري چې تهران د خپل اټومي پروګرام په ارتباط ورځ تربلې تر لازیاتو فشارونو لاندې دی.
اروپایي اتحادیه هم پر دې غور کوي چې له ایرانه د تېلو واردات بند کړي.
بريتانیا د پنجشنبې په ورځ وویل که ضرورت وي نو د فارس خليج په هرمز تنګي کې د بېړیو د آزاد تګ راتګ لپاره به له پوځي زوره کار واخلي .
لندن ایران ته ګواښ وکړ چې د لویدیځو هیوادونو د نیت په اړه دې غلطه محاسبه او د هرمز د تنګي چې د نړۍ بازارونو ته د تیلو د بهیر شریان دی، د تړلو هڅه نه کوي .
ایران تیره اوونۍ ګواښ وکړ که چیرې لویدیځ هیوادونه د دغه هیواد د اټومي پروګرام په ارتباط نوي بندیزونه ولګوي نو د هرمز تنګی به وتړي.
د بريتانيا دفاع وزیر فیلیپ هاموند وویل په خلیج کې زموږ او د امریکا د سمندري ځواکونو د حضور یو هدف دا دی چې د بیړیو دتګ راتګ مخه څوک ونه نیسي.
بريتانیا په داسې حال کې په خلیج کې د پوځي ځواک ګواښ کوي چې پر ایران باندې د امریکا وروستیو اقتصادي بندیزونو چې د دغه هیواد د جنجالي اټومي پروګرام په ارتباط یې ولګول، خپل تاثیر څرګند کړی .
وروسته له دې چې د امریکا جمهور رییس د ایران پر مرکزي بانک باندې بندیزونه اعلان کړل ایراني ریال خپل قیمت په سلو کې دیارلس وبایله .
د ایران د مرکزي بانک مشر پر حکومت انتقاد وکړ چې ولې په بازار کې مداخله کوي .
اروپایی اتحادیې هم د پنجشنبې په ورځ پر ایران باندې د ورته بندیزونو پر لګولو غور وکړ.
ايران وايي بنديزونه بې اغېزې دي:
د ایران د بهرنیو چارو وزیر علي اکبر صالحي وویل چې دغه بندیزونه د اندیښنې وړ نه دي:
،،د ایران اسلامي جمهوریت چې په تیرو ۳۲ کلونو کې یې ډېرې او ګڼې تجربې لیدلې دي، د دغه ډول له خصومته ډک چلند سره د مقابلې تیاری لري او موږ له دغو بندیزونو چې تاسو یې یادونه وکړه اندېښنه نه لرو،،
بنديزونه د ايران ولس اغېزمنوي:
سیاسي څارونکي وایي دغه نوي بندیزونه کېدای شي د ایران اسلامي رژیم د خپل اټومي دریځ بدلولو ته مجبور نه کړي، خو ولس به ترې زیات اغېزمن شي.
لویدیځ هیوادونه په دې باور دي چې ایران د خپل اټومی پروګرام ترشا د اټومي وسلې د جوړولو کوشش کوي خو تهران تل دغه تورونه رد کړي دي.
د ګالا ریانی په نامه په لندن کې یوې سیاسي کارپوهې د اسوشیتېد پرېس خبري آژانس ته ویلي:
،، دا څرګنده نه ده چې د ایران پر رژیم باندې د تیلو د عوایدو د بندولو له لارې به دغه رژیم بدل شي . د ایران د اسلامي جمهوریت رژیم یو انتحاري رژیم ګڼل کیږي چې د لویدیځو فشارونو د ردولو لپاره د خپل ولس سوکالي هم قربانوي،،
امریکا پر ایران باندې نوي بندیزونه ځکه شپږ میاشتې ځنډولي وو چې د نړیوال اقتصادي بحران پر مهال د تیلو بیې اوچتې نه شي .
خو په هرحال حتی د ایران د تیلو پر وارداتو بندیز لګولو خبرو هم دتیلو بازارونه تر یوې اندازې متاثره کړل او دخامو تیلو بیه في بیرل سلو ډالرو ته ورسېده.
اروپایي اتحادیه هم پر دې غور کوي چې له ایرانه د تېلو واردات بند کړي.
بريتانیا د پنجشنبې په ورځ وویل که ضرورت وي نو د فارس خليج په هرمز تنګي کې د بېړیو د آزاد تګ راتګ لپاره به له پوځي زوره کار واخلي .
لندن ایران ته ګواښ وکړ چې د لویدیځو هیوادونو د نیت په اړه دې غلطه محاسبه او د هرمز د تنګي چې د نړۍ بازارونو ته د تیلو د بهیر شریان دی، د تړلو هڅه نه کوي .
ایران تیره اوونۍ ګواښ وکړ که چیرې لویدیځ هیوادونه د دغه هیواد د اټومي پروګرام په ارتباط نوي بندیزونه ولګوي نو د هرمز تنګی به وتړي.
د بريتانيا دفاع وزیر فیلیپ هاموند وویل په خلیج کې زموږ او د امریکا د سمندري ځواکونو د حضور یو هدف دا دی چې د بیړیو دتګ راتګ مخه څوک ونه نیسي.
بريتانیا په داسې حال کې په خلیج کې د پوځي ځواک ګواښ کوي چې پر ایران باندې د امریکا وروستیو اقتصادي بندیزونو چې د دغه هیواد د جنجالي اټومي پروګرام په ارتباط یې ولګول، خپل تاثیر څرګند کړی .
وروسته له دې چې د امریکا جمهور رییس د ایران پر مرکزي بانک باندې بندیزونه اعلان کړل ایراني ریال خپل قیمت په سلو کې دیارلس وبایله .
د ایران د مرکزي بانک مشر پر حکومت انتقاد وکړ چې ولې په بازار کې مداخله کوي .
اروپایی اتحادیې هم د پنجشنبې په ورځ پر ایران باندې د ورته بندیزونو پر لګولو غور وکړ.
ايران وايي بنديزونه بې اغېزې دي:
د ایران د بهرنیو چارو وزیر علي اکبر صالحي وویل چې دغه بندیزونه د اندیښنې وړ نه دي:
،،د ایران اسلامي جمهوریت چې په تیرو ۳۲ کلونو کې یې ډېرې او ګڼې تجربې لیدلې دي، د دغه ډول له خصومته ډک چلند سره د مقابلې تیاری لري او موږ له دغو بندیزونو چې تاسو یې یادونه وکړه اندېښنه نه لرو،،
بنديزونه د ايران ولس اغېزمنوي:
سیاسي څارونکي وایي دغه نوي بندیزونه کېدای شي د ایران اسلامي رژیم د خپل اټومي دریځ بدلولو ته مجبور نه کړي، خو ولس به ترې زیات اغېزمن شي.
لویدیځ هیوادونه په دې باور دي چې ایران د خپل اټومی پروګرام ترشا د اټومي وسلې د جوړولو کوشش کوي خو تهران تل دغه تورونه رد کړي دي.
د ګالا ریانی په نامه په لندن کې یوې سیاسي کارپوهې د اسوشیتېد پرېس خبري آژانس ته ویلي:
،، دا څرګنده نه ده چې د ایران پر رژیم باندې د تیلو د عوایدو د بندولو له لارې به دغه رژیم بدل شي . د ایران د اسلامي جمهوریت رژیم یو انتحاري رژیم ګڼل کیږي چې د لویدیځو فشارونو د ردولو لپاره د خپل ولس سوکالي هم قربانوي،،
امریکا پر ایران باندې نوي بندیزونه ځکه شپږ میاشتې ځنډولي وو چې د نړیوال اقتصادي بحران پر مهال د تیلو بیې اوچتې نه شي .
خو په هرحال حتی د ایران د تیلو پر وارداتو بندیز لګولو خبرو هم دتیلو بازارونه تر یوې اندازې متاثره کړل او دخامو تیلو بیه في بیرل سلو ډالرو ته ورسېده.