راپورونه خپاره شوي چې امریکایي استازو د طالبانو له جګپوړو مشرانو سره په قطر او جرمني کې لږ تر لږه درې ځلې کتلي او وروستۍ غونډه یې اته – نهه ورځې وړاندې وه.
یو افغان چارواکی وایي، په دې غونډه کې د طالبانو د مشر ملاعمر نږدې همکار هم ګډون درلود.
له طالبانو سره د امریکایي چارواکو د خبرو او کتنو راپور په داسې حال کې خپریږي، چې شاوخوا دوې اوونۍ وړاندې د امریکا خاصو ځواکونو د القاعده شبکې مشر اسامه بن لادن د پاکستان په ايبټ اباد کې وواژه.
زیات شمېر څېړونکي په دې باور دي، چې د بن لادن په وژلو سره به طالبان په اسانۍ سره له القاعده شبکې سره اړیکې وشلوي او په دې توګه به په افغانستان کې د سیاسي حل لپاره لار هواره شي.
غیر حکومتي منځګړیتوب:
په افغانستان کې د وسله والو فعالیتونه او شخړې تر ټولو جګې سطحې ته رسیدلې او په عین حال کې د امریکا په داخل کې د افغانستان له جګړې سره د خلکو ملاتړ مخ په کمیدو دی.
د امریکا د متحده ایالاتو په ګډون، لویدیځو هیوادونو د جمهور رییس حامد کرزي د حکومت او طالبانو تر منځ د پخلایني او سولې د هلو ځلو ملاتړ زیات کړی دی.
د طالبانو او امریکایي چارواکو تر منځ خبرې د غېرحکومتي منځګړو، عربي او اروپایي هیوادونو د استازو تر منځ تر سره شوي دي.
طالبانو له امریکایانو سره د مستقیمو خبرو او په کوم عربي هیواد کې چې په غالب ګومان یې مقصد قطر و، د یوه رسمې دفتر د خلاصولو ټينګار کاوه.
د طالبانو او امریکایانو تر منځ دا خبرې په ابتدایي مرحلې کې دي او طالبانو په ګوانتنامو کې د خپلو شلو تنو بندیانو د خوشې کیدو په ګډون، د غوښتنو یو اوږد لیست وړاندې کړی دی.
طالبان دغه راز له افغانستان څخه د بهرنیو عسکرو د ایستلو غوښتنه کوي او په حکومت کې د خپل واک او حضور ډاډ هم غواړي.
په مقابل کې د امریکا متحده ایالات له طالبانو څخه غواړي، چې له شخړو او جګړو لاس واخلي، د ښځو حقونو ته د درناوي په ګډون باید د افغانستان اساسي قانون ومني.
په راپورونو کې ویل شوی، په خبرو کې د طالبانو له لورې هغو کسانو ګډون کړی، چې ملاعمر ته ډېر نږدې دي او یا هم د کوټې شوری کې پوره اغېز لري.
په راپورونو کې دا هم ویل شوي، چې په دې خبرو کې د حقاني شبکې د ډلې کسانو چې مرکز یې په شمالي وزیرستان کې دی او د جمهور رییس بارک اوباما اداره یې یوه ظالمه او نه پخلاکیدونکې ډله بولې، ګډون نه درلود.
د حقانې ډله له اوږدې مودې راهیسي د پاکستان له استخباراتي ادارې (ای. اېس. ای) سره اړیکې لري او پاکستان یې په افغانستان کې د خپلو ستراتیژیکو ګټو د تامین په مقصد استعمالوي.
د اسامه بن لادن له وژلو وروسته، آی. اېس. آی تر پوښتنو لاندي ده چی آیا دوی د القاعده شبکې مشر ته په پناه ورکولو کې لاس درلود او که په دې اړه یې معلومات نه درلودل.
یو افغان چارواکی وایي، په دې غونډه کې د طالبانو د مشر ملاعمر نږدې همکار هم ګډون درلود.
له طالبانو سره د امریکایي چارواکو د خبرو او کتنو راپور په داسې حال کې خپریږي، چې شاوخوا دوې اوونۍ وړاندې د امریکا خاصو ځواکونو د القاعده شبکې مشر اسامه بن لادن د پاکستان په ايبټ اباد کې وواژه.
زیات شمېر څېړونکي په دې باور دي، چې د بن لادن په وژلو سره به طالبان په اسانۍ سره له القاعده شبکې سره اړیکې وشلوي او په دې توګه به په افغانستان کې د سیاسي حل لپاره لار هواره شي.
غیر حکومتي منځګړیتوب:
په افغانستان کې د وسله والو فعالیتونه او شخړې تر ټولو جګې سطحې ته رسیدلې او په عین حال کې د امریکا په داخل کې د افغانستان له جګړې سره د خلکو ملاتړ مخ په کمیدو دی.
د امریکا د متحده ایالاتو په ګډون، لویدیځو هیوادونو د جمهور رییس حامد کرزي د حکومت او طالبانو تر منځ د پخلایني او سولې د هلو ځلو ملاتړ زیات کړی دی.
د طالبانو او امریکایي چارواکو تر منځ خبرې د غېرحکومتي منځګړو، عربي او اروپایي هیوادونو د استازو تر منځ تر سره شوي دي.
طالبانو له امریکایانو سره د مستقیمو خبرو او په کوم عربي هیواد کې چې په غالب ګومان یې مقصد قطر و، د یوه رسمې دفتر د خلاصولو ټينګار کاوه.
د طالبانو او امریکایانو تر منځ دا خبرې په ابتدایي مرحلې کې دي او طالبانو په ګوانتنامو کې د خپلو شلو تنو بندیانو د خوشې کیدو په ګډون، د غوښتنو یو اوږد لیست وړاندې کړی دی.
د حقانې ډله له اوږدې مودې راهیسي د پاکستان له استخباراتي ادارې (ای. اېس. ای) سره اړیکې لري او پاکستان یې په افغانستان کې د خپلو ستراتیژیکو ګټو د تامین په مقصد استعمالوي.
په مقابل کې د امریکا متحده ایالات له طالبانو څخه غواړي، چې له شخړو او جګړو لاس واخلي، د ښځو حقونو ته د درناوي په ګډون باید د افغانستان اساسي قانون ومني.
په راپورونو کې ویل شوی، په خبرو کې د طالبانو له لورې هغو کسانو ګډون کړی، چې ملاعمر ته ډېر نږدې دي او یا هم د کوټې شوری کې پوره اغېز لري.
په راپورونو کې دا هم ویل شوي، چې په دې خبرو کې د حقاني شبکې د ډلې کسانو چې مرکز یې په شمالي وزیرستان کې دی او د جمهور رییس بارک اوباما اداره یې یوه ظالمه او نه پخلاکیدونکې ډله بولې، ګډون نه درلود.
د حقانې ډله له اوږدې مودې راهیسي د پاکستان له استخباراتي ادارې (ای. اېس. ای) سره اړیکې لري او پاکستان یې په افغانستان کې د خپلو ستراتیژیکو ګټو د تامین په مقصد استعمالوي.
د اسامه بن لادن له وژلو وروسته، آی. اېس. آی تر پوښتنو لاندي ده چی آیا دوی د القاعده شبکې مشر ته په پناه ورکولو کې لاس درلود او که په دې اړه یې معلومات نه درلودل.