په داسې حال کې چې په لوګر ولایت کې د نا امنیو او د وسله والو مخالفانو د فعالیتو د زیاتوالي راپورونه ورکول کیږي، په دې ولایت کې سیمه ایزچارواکي وایي، چې د لوګر په مرکز او ولسوالیو کې د بیارغونې کارونه هم چټک روان دي.
د لوګرښاروال محمد هاشم حسین خیل د پنجشنبې په ورځ ازادي راډیو ته وویل، چې د بیارغونې ځیني کارونه په دې ولایت کې د چک جمهوریت د ولایتي بیارغونې ټیم له خوا پرمخ وړل کیږي.
د ښاغلي حسین خیل په خبره دوی په لوګر کې د چک جمهوریت ولایتي بیارغونې ټیم ته نوي وړاندیزونه ورکړي ترڅو د بیارغونې کارونه په ځانګړي توګه د ښار د پاکوالي، ښکلا او سرسبزۍ په برخه کې زیات شي:
د لوګر ښاروال څرګنده کړه، چې د چک جمهوریت د ولایتي بیارغونې ټیم ترډیره د پوهنې، عامې روغتیا، کرنې او اوبو رسولود پروژوپه برخو کې مرستې کړي.
په لوګر کې د چک جمهوریت د ولایتي بیارغونې د ډلې مسوولان وایي، چې دوی په دې ولایت کې د بیارغونې د پروژو د عملي کولو لپاره خپلو مرستو ته دوام ورکوي.
په لوګر کې د پي. ار. ټي مطبوعاتي مسوولې کریسټینا ګریپلووا ازادي راډیو ته وویل، چې دوی سږکال دوه ملیونه ډالره په لوګر کې د بیارغونې په پروژو لګولي او په پام کې لري، چې یوشمېر نورې پروژې هم په دې ولایت کې عملي کړي:
"له کومه ځایه چې زموږ بودجه کمه ده، هڅه کوو چې مهمې پروژې عملي کړو. زموږ له نظره د کرنې، روغتیا، امنیت، پوهنې، د اوبو د تنظیم او اوبو رسولو پروژې ترنورو لومړیتوب لري."
په داسې حال کې چې په لوګر ولایت کې د بیارغونې د پروژوله عملي کېدو څخه خبرې کیږي، خلک وایي، چې باید د بیارغونې کارونه په دې ولایت کې لا چټک شي ترڅو ځوانانوته کارونه پیدا او د نا امنیو او جنګونو مخه ونیول شي.
په کابل کې دولتی چارواکي هم وایي، چې د کابل په ګاونډیو ولایتونو کې د بیارغونې د پروژوعملي کول کولای شي له یوې خوا پرکابل د نا امنیو فشار کم کړي او بل لورته په دغو ولایتونو کې زرګونه تنه ځوانان چې اوس مهال بې کاره دي په کارونو بوخت شي.
د لوګرښاروال محمد هاشم حسین خیل د پنجشنبې په ورځ ازادي راډیو ته وویل، چې د بیارغونې ځیني کارونه په دې ولایت کې د چک جمهوریت د ولایتي بیارغونې ټیم له خوا پرمخ وړل کیږي.
د ښاغلي حسین خیل په خبره دوی په لوګر کې د چک جمهوریت ولایتي بیارغونې ټیم ته نوي وړاندیزونه ورکړي ترڅو د بیارغونې کارونه په ځانګړي توګه د ښار د پاکوالي، ښکلا او سرسبزۍ په برخه کې زیات شي:
د لوګر ښاروال څرګنده کړه، چې د چک جمهوریت د ولایتي بیارغونې ټیم ترډیره د پوهنې، عامې روغتیا، کرنې او اوبو رسولود پروژوپه برخو کې مرستې کړي.
په لوګر کې د چک جمهوریت د ولایتي بیارغونې د ډلې مسوولان وایي، چې دوی په دې ولایت کې د بیارغونې د پروژو د عملي کولو لپاره خپلو مرستو ته دوام ورکوي.
په لوګر کې د پي. ار. ټي مطبوعاتي مسوولې کریسټینا ګریپلووا ازادي راډیو ته وویل، چې دوی سږکال دوه ملیونه ډالره په لوګر کې د بیارغونې په پروژو لګولي او په پام کې لري، چې یوشمېر نورې پروژې هم په دې ولایت کې عملي کړي:
"له کومه ځایه چې زموږ بودجه کمه ده، هڅه کوو چې مهمې پروژې عملي کړو. زموږ له نظره د کرنې، روغتیا، امنیت، پوهنې، د اوبو د تنظیم او اوبو رسولو پروژې ترنورو لومړیتوب لري."
په داسې حال کې چې په لوګر ولایت کې د بیارغونې د پروژوله عملي کېدو څخه خبرې کیږي، خلک وایي، چې باید د بیارغونې کارونه په دې ولایت کې لا چټک شي ترڅو ځوانانوته کارونه پیدا او د نا امنیو او جنګونو مخه ونیول شي.
په کابل کې دولتی چارواکي هم وایي، چې د کابل په ګاونډیو ولایتونو کې د بیارغونې د پروژوعملي کول کولای شي له یوې خوا پرکابل د نا امنیو فشار کم کړي او بل لورته په دغو ولایتونو کې زرګونه تنه ځوانان چې اوس مهال بې کاره دي په کارونو بوخت شي.